Паддзахадон унитарон куыстуат «Арæзтадон æрмæджыты завод» у республикæйы стабилонæй рæзгæ куыстуæттæй сæ иу.
2017 азы реорганизацийы фæстæ завод фæфылдæр кодта рауадзгæ продукцийы ассортимент, ссардта ног фадæттæ уæй кæнынæн, активонæй архайы республикæйы социалон-экнономикон рæзтæн ахъазгæнæг Инвестицион программæйы фæлгæтты цалцæггæнæн процессты. Заводы директор Тедеты Сослан куыд фехъусын кодта, афтæмæй куыстуат райдыдта уадзын ног продукци – Рабицы хызтæ.
«Куыд план кодтам, афтæмæй мах уæрæх кæнæм рауадзгæ продукцийы ассортимент. Рауагътам Рабицы хызты фæлварæн парти, бирæфункционалон, бирæ чи фæлæууа, ахæм фидар арæзтадон æрмæг. Хызы иумæйаг дæргъ у 100 метры. Дарддæр кæсдзыстæм, нæ продукци нын куыд æлхæной, уымæ», – загъта Тедеты Сослан.
Уый ма банысан кодта, зæгъгæ, заводы рауадзгæ продукци ахъаз кæны республикæйы арæзтады хæстæ хуыздæр скъуыддзаг кæнынæн.
«Нæ арæзтадон æрмæджытæй пайда кæнынц, куыд адæм, афтæ арæзтадон организацитæ дæр, кæцытæ ифтонг кæнынц Инвестпрограммæ реализаци кæнын. Завод цы продукци уадзы, уыдоны раздæр хъуыд Цæгат Ирыстонæй ласын. Зæгъæм, лыстæг хуыр. Ныр мах уый уадзæм нæхи дурцъæлгæнæн-æвзарæн комплексы. Фидæны мах фæнды цæджындзты, тротуарон плиткæ уадзын сног кæнын. Мах нæ хъус дарæм, цæмæй нæ продукци уа ГОСТ-мæ гæсгæ, цæмæй цалцæггæнæн-æндидзынгæнæн куыстыты цы арæзтадон æрмæджытæй пайад кæныныц, уыдон уой гъæдджын», – банысан кодта Тедеты Сослан.
Фидæны плæнттыл дзургæйæ, заводы къухдариуæггæнæг банысан кодта, зæгъгæ, сæйрагдæр хæстæ сты арæзтады гуырахсттæ фæбæрзонддæр кæнын, продукцийы ассортимент рауæрæх кæнын, стабилон æфтиагджын куыстмæ рахизын, куыстуаты кусджыты фæрныгад фæбæрзонддæр кæнын.
Директоры ныхæстæм гæсгæ, завод уадзы ахæм продукци, куыд фундаментон блоктæ, бетонон цæгтæ, кæцытæй пайда кæнынц донуадзæнтæ æмæ канализацион хызæгтæ аразыны рæстæджы, донæмбырдгæнæнтæ, электроадæттæн хæххытæн æфсæнбетонон цæджындзтæ, лыстæг хуыр, ставд хуыр æмæ æндæр æрмæджытæ.
Куыстуаты иумæйагæй кусы 40 адæймаджы.
Comments are closed, but trackbacks and pingbacks are open.