Мæскуыйы уагъцæуæг Евразийы чемпионаты пауэрлифтингæй хуссарирыстойнаг командæйы сконды уыдысты Мидхъуыддæгты министрады кусджытæ Хъоцыты Азæмæт æмæ Тадтаты Олег дæр æмæ сæ къухты бафтыд æнтыст. Хъоцыты лæппу 100 килограммы уæзы «народный жим»-ы дисциплинæйы бацахста фыццаг бынат, сæххæст кодта спорты мастеры норматив æмæ ма сæвæрдта Европæйы рекорд дæр. Уымæй уæлдай ма абсолютон уæзы дæр райста æртыккаг бынат. Тадтаты Олегæн дæр ерысты фæцис цæстæвæрæн – 145 килограммы уæзы бацахста фыццаг бынат.
Хъоцыты Азæмæт ма уалдзæджы хайад райста Европæйы гом чемпионаты дæр æмæ уым дæр йæ къухты бафтыд æнтыст. Хайад дзы райста æртæ номинацийы æмæ бацахста фыццаг, дыккаг æмæ æртыккаг бынæттæ. Европæйы гом чемпионатæй æдæппæт нæ спортсментæ рахастой 30 майданы æмæ бацахстой дыккаг иумæйагкомандон бынат.
ДЖИОТЫ Алыксандр
