Хуссар Ирыстоны делегаци Хицауады Сæрдары хæдивæг – Экономикон рæзты министр Бекъойты Геннадийы сæргълæудæй æрцыдысты Сириаг Арабаг Республикæмæ, цыран уагъд цæуы 61-æм Дамаскаг армукъа.
«Нæ делегаци хайад исы ахæм мадзæлтты, кæцытæ цымыдисон сты Хуссар Ирыстоны приоритетон здæхтыты рæзтæн, сæйраджыдæр, хъæууон хæдзарады, фæндагон инфраструктурæйы, туризмы.
Мах бацæттæ кодтам нæ фæндæттæ, кæцыты равдисдзыстæм армукъайы хайадисджытæн. Дамаскаг дунеон армукъайы хайад исын у сириаг базары экономикон контакттæ рæвдз кæнын, нæ уæвынад сириаг базарады сфидар кæнын, кæцы активонæй рæзы фæстаг азты. Ныфс мæ ис, æфсымæрон республикæйы коллегæтимæ мах ссардзыстæм бирæ иумæйагдзинæдтæ», – загъта Бекъойты Геннади.
61-æм Дамаскаг дунеон армукъа арæзт цæуы Сириаг Арабаг Республикæйы президент Башар Хафез аль-Асады къухдариуæгадæй.
Дамаскаг дунеон армукъа у Æввахс Скæсæны иууыл рагондæр æмæ егъаудæр равдыст. 2017 азы армукъа йæ куыст сæндидзын кодта фондз азы улæфты фæстæ.
***
Дамаскы 61-æм дунеон армукъа официалон æгъдауæй байгом кæныны размæ Хуссар Ирыстоны делегацийы уæнгтæ Хицауады Сæрдары хæдивæг – Экономикон рæзты министр Бекъойты Геннадийы сæргълæудæй фембæлдысты Сирийы экономикæ æмæ æддагон политикæйы министры хæдивæг Халед Аб Факеримæ, афтæ ма сæудæджерады, IT-технологиты, уæлдæфон ласынад æмæ хосгæнæн препаратты кондады зынгæ си-риаг къухдариуæггæнджытимæ.
Бекъойты Геннадийы ныхæстæм гæсгæ, фембæлды рæстæджы уынаффæ кодтой загъдгонд сферæты дыууæ республикæйы базарадон-экономикон æмархайды фарстытыл.
Зæрдыл лæууын кæнæм, уый размæ къухтæ фыст цы сразыдзинæдтыл æрцыд, уыдонмæ гæсгæ арæзт æрцыд базарадон-экономикон, зонадон-техникон æмæ культурон æмгуыстады тыххæй РХИ æмæ САР-йы æхсæнхицауадон къамис.
«Сирийы æмæ Хуссар Ирыстоны Хицауадæй алчидæр йæхи фарсæрдыгæй сарæзта къамис, кæцытæ цæттæ сты дыууæварсон æмгуыстад æмæ зындзинæдтæ оперативон æгъдауæй скъуыддзаг кæнынмæ, кæцытæ сæвзæрдысты дыууæ республикæйы ‘хсæн сразыдзинæдтæ реализаци кæныны рæстæджы», – загъта Бекъойты Геннади.
Уый ма банысан кодта, дарддæры иумæйаг къахдзæфты алгоритм бæрæг æрцæудзæн Æхсæнхицауадон къамисы фыццаг рабадты, кæцы хъуамæ уагъд æрцæуа азы кæрон.
РХИ-йы Хицауады пресс-службæ
Ацы æрмæджытæ дæр бакæс:
Цæмæй электроэнергийæ æнæкъуылымпыйæ ифтонг цæуæм
Санкт-Петербурджы æмæ Хуссар Ирыстоны хицауадтæ сæ къухтæ æрфысдзысты æмкуысткæнынады тыххæй сразыдзинадыл
Хуссарирыстойнаг делегаци хайад исы Петербурджы экономикон форумы
Бибылты Анатолийы официалон балц Республикæ Арцахмæ
Бибылты Анатолийы официалон балц Республикæ Арцахмæ
Comments are closed, but trackbacks and pingbacks are open.