Хуссар Ирыстон хайад исы Уæрæсейаг инвестицион форумы

Сочæйы йæ куыст райдыдта Уæрæсейаг инвестицион форум, кæцыйы Уæрæсейы премьер-министр Дмитри Медведевы фæхуындмæ гæсгæ хайад исы РХИ-йы Хицауады Сæрдар Хъуылымбегты Доменти дæр.

Егъау экономикон форум æрæмбырд кодта æххæсткæнынадон æмæ закъондæттынадон хицауиуæгады, афтæ ма уæрæсейаг æмæ æндæр бæстæты бизнесменты 4 мин минæвары бæрц.

Уæрæсейаг инвестицион форум – 2017 азы программæ, кæцыйы боны фæткы сты регионалон-инвестицион политикæйы фарстатæ, арæзт æрцыд æртæ тематикон блокæй: «Ног регионалон политикæ. Рæзты фадæттæ», «Бизнесы эффективондзинад бæрзонддæр кæнгæйæ. Рæзты фадæттæ» æмæ «Царды тыххæй проекттæ реализаци кæнгæйæ».

Форумы райдианы раныхас кодта Уæрæсейы Федерацийы Хицауады Сæрдар Дмитри Медведев. Организаторты ныхæстæм гæсгæ ма Сочæйы форумы хайад исынц УФ-йы Хицауады Сæрдары хæдивджытæ Дмитри Козак, Ольга Голодец, Аркадий Дворкович, Цæгат Кавказы хъуыддæгты фæдыл министр Лев Кузнецов, хъæууон хæдзарады министр Александр Ткачев, энергетикæйы министр Александр Новак, сæудæджерад æмæ базарады министр Денис Мантуров æмæ транспорты министр Максим Соколов.

Йæ балцы агъоммæ Хъуылымбегты Доменти куыд загъта, афтæмæй ног форум гом кæны къорд актуалон дискуссион фæзуæттæ, кæцыты уынаффæ цæудзæнис Уæрæсейы экономикон политикæйы къабазы ахсджиагдæр фарстытыл æмæ сæ гæнæн ис спайдагæнæн Хуссар Ирыстоны инвестицион потенциал рæзын кæныны тыххæй.

«Нæ хæс ис уый мидæг, цæмæй фæбæр-зонддæр кæнæм республикæйы конкуренци, – банысан кодта Хицауады Сæрдар, – æмæ уый нысан кæны, мах иууыл эффективондæрæй кæй хъуамæ спайда кæнæм хъуыддагон форумты фæзуæттæй экономикон рæзты приоритетондæр къабæзтæм инвестортæ æрбахоныны тыххæй.

Цы темæтыл уынаффæ цæудзæнис, уыдон-мæ гæсгæ махмæ ис фæндæттæ, кæцытæм, гæнæн ис бацымыдис кæной хъуыддагон партнертæ. Республикæйы иттæг хорз туристон потенциал хынцгæйæ, фыццаг рады мах дзурдзыстæм Цæгат Кавказы Федералон окруджы туристон-рекреацион кластеры рæзты стратегимæ Хуссар Ирыстоны бакæныны фадæтты тыххæй.

Кæй зæгъын æй хъæуы,  форумы фæлгæтты ныхæстæ уагъд цæудзысты уæрæсейаг регионты сæргълæуджытимæ, хъуыддагон партнертимæ æндæр актуалон фарстыты фæдыл дæр.

Уæрæсейаг инвестицион форум – 2017 азы фæлгæтты ма уагъд цæудзысты тымбыл фынг-тæ, кæцыты уынаффæ цæудзæнис паддзахадон-хисæрмагонд партнердзинады,  регионты комфортон царды уавæртæ саразыны фæдыл проекттæ реализаци кæныны паддзахадон æвварсхæцынады механизмты фарстытыл.

Форум аххæсдзæн дыууæ боны – 27 æмæ 28 февралы.

РХИ-йы Хицауады официалон сайт