Хицауады уагъд æрцыд ветеринарон æмæ фитосанитарон цæстдарды паддзахадон службæ «Югоссельхознадзор»-ы кусджыты схорзæхджын кæныны церемони.
«Фыццаджы уал мæ фæнды бузныджы ныхæстæ зæгъын уæ бæрнджын куыст, профессимæ æнувыддзинад æмæ хъуыддагмæ бæрнон ахасты тыххæй.
Ветеринари у хъæууонхæдзарадон фадыджы иууыл ахсджиаг æмæ зындæр здæхтытæй сæ иу. Растдæр уæ цæсгомджын куыст, фæлтæрддзинад æмæ зонындзинæдты фæрцы иуварс æрцыд республикæйы районты ахæм тæссаг низ, куыд африкайæг емынæ. Ныфс мæ ис, сымах дарддæр дæр бæрнджынæй æмæ эффективонæй кæй кусдзыстут, æнтыстджынæй кæй скъуыддзаг кæндзыстут уæ разылæууæг хæстæ», – банысан кодта РХИ-йы Хицауады Сæрдар Бекъойты Геннади.
Лолоты Владимир бузныджы ныхæстæ загъта ветцæстдарды кусджыты номæй Хицауады сæргълæууæгæн æмæ банысан кодта, службæйы кусджытæ кæй сты сæ хъуыддаджы профессионалтæ æмæ, сæйраджыдæр, тырнынц хæдзарон цæрæгойтыл низ ма фæзыныны тыххæй профилактикон мадзæлттæ сифтонг кæнынмæ.
Ветеринарон цæстдарды кусджытæн сæ æрвылбонон куысты цы нæ фаг кæны, æмæ сæ функционалон хæстæ æххæст кæнгæйæ цавæр проблемæтыл сæмбæлынц, уыдоныл лыстæггай радзырдта Хъæууон хæдзарады министр Мæргъиты Алан.
Уый æрдзырдта транспортон фæрæзты цухдзинад, службæйы бæстыхай кæй нал бæззы, вете-ринарон службæйы кусджыты финансон ифтонгад, афтæ ма ацы фадыджы æвзонг кадртæ цæттæ кæныны фарстытыл.
Бекъойты Геннади банысан кодта, зæгъгæ, ныры этапы ветеринарон кусджыты куыстмызд кæй фæфылдæр ис æмæ Хицауад адарддæр кæндзæн службæйы проблемæтæ скъуыддзаг кæнын, уыцы нымæцы куыстмызд фæбæрзонддæр кæнын.
Comments are closed, but trackbacks and pingbacks are open.