Культурæйы бон нысан æрцыд ацы фадыджы уыцы нымæцы республикæйы Национ музейы кусджытæн дæр паддзахадон хорзæхтæ радтынæй.
«Хуссар Ирыстоны адæмы Фыдыбæстæйон хæсты уæлахизыл 10 азы сæххæсты сæраппонд» æмæ «Республикæ Хуссар Ирыстоныл 25 азы сæххæсты сæраппонд» майдантæй РХИ-йы Президент Бибылты Анатолийы Барамындæй хорзæхджын æрцыдысты музейы рагондæр кусджытæ, директоры хæдивæг Санахъоты Лианæ æмæ фондты хайады хистæр зонадон кусæг Болататы Эльвирæ, кæцытæ стыр хайбавæрд бахастой музей сæндидзын кæныны хъуыддагмæ. Уый размæ аккаг хорзæхтæ «Республикæ Хуссар Ирыстоныл 25 азы сæххæсты сæраппонд» майдантæ райстой æрдзы хайады сæргълæууæг Къæбулты Еленæ æмæ археологи æмæ историйы хайады сæргълæууæг Дриаты Фатимæ, афтæ ма музейы коллективы æндæр кусджытæ.
Хорзæхтæ чи райста, уыдон зын хæстон æмæ хæсты фæстæ рæстæджыты куысты зын уавæртæм нæ кæсгæйæ, хъахъхъæдтой музейы экспонатты.
Республикæйы уæлдæр къухдариуæгад нæ ферох кодта æвзонг специалистты дæр. Цæсгомджын куысты æмæ хъуыддагмæ бæрнджын ахасты тыххæй нывгæнæг-дизайнер Дыгъуызты Марияйæн æмæ экскурсовод Бекъойты Олесяйæн радтой РХИ-йы Кады грамотæтæ.
«Уæ активон архайды фæрцы Национ музейы коллекци уæрæх æмæ йедзаг кæны. Ацы хорзæхтæ сты музейы рæзты хъуыддагмæ сæрмагонд хайбавæрды нысан», – банысан кодта культурæйы министр Зассеты Жаннæ.
Дзудцаты Тамарæ
Comments are closed, but trackbacks and pingbacks are open.