Республикæ Хуссар Ирыстоны Хицауады Сæрдар Бекъойты Геннади ауагъта æмбæстæгты радон химæрайст. Хицауады сæрдармæ æрбацыдысты 15 адæймаджы.
Сæйраджыдæр фарстытæ хаудысты Цхинвалы æмæ хъæуты хæдзæрттæ сцалцæг кæнынимæ, куыст ссарын, æнæниздзинадимæ баст материалон æххуыс, цардуагон уавæртæ фæхуыздæр кæнын. Æмбæстæгтæ ма бахатыдысты хъæутæ инженерон хызæгтæй сифтонг кæныны фæндимæ.
Æмбæстæгтæ райстой æппæт сæвзæргæ фарстыты фæдыл дæр хъæугæ, лæмбынæг консультацитæ, куырдиæттæ та нысан кодта Хицауады Сæрдары æххуысгæнæг дарддæры систематизаци æмæ сыл бакусыны тыххæй.
Сæрмагонд химæрайсты рæстæджы æххуысы райста Мамысанты хъæуы цæрæг, кæцы æрбацыд коллективон куырдиатимæ хъæуы электроифтонгад æмæ донифтонгад сцалцæг кæныны фарсты сын баххуыс кæныны фæдыл.
Хицауады Сæрдар бахæс кодта Цхинвалы районы Цæрæнуатон-коммуналон хæдзарады управленийæн, цæмæй æввахс рæстæджы æркæсой æппæт фадæттæм ацы фарст гъæдджынæй аскъуыддзаг кæныны фæдыл.
Хæдзæрттæ сцалцæг кæныны куырдиæтты фæдыл уый бахæс кодта йе ‘ххуысгæнæг Тедеты Оксанæйæн, цæмæй алы уавæр дæр сахуыр кæнæм индивидуалонæй æмæ йын цæрæнуæтты уавæр æмæ зиæнтты характеры тыххæй æххæст информаци æрбавдиса.
Химæрайсты кæронбæттæны Бекъойты Геннади банысан кодта, ацы куырдиæттæ æххæст кæнынмæ кæй хъæуы бæрнон ахаст дарын, уымæн æмæ æмбæстæгты куырдиæттимæ кусын у республикæйы къухдариуæгады сæрмагонд хай.
Comments are closed, but trackbacks and pingbacks are open.