«Фæкъаддæр фæндагон-транспортон цауты фæстиуæгæн йе ‘нæниздзинад кæмæн бахъыгдард ис, уыцы адæймæгты нымæц. Фæлæ, хъыгагæн, фæфылдæр фæндагон цауты чи фæмард, уыдоны нымæц». Ахæм докладимæ раныхас кодта Мидхъуыддæгты министрады фæндагон змæлды æдасдзинады управленийы къухдариуæгад.
Ацы фарсты фæдыл уынаффæйы хайад райстой милицийы Ӕхсæнадон æдасдзинады хистæры хæдивæг Лалыты Геннади æмæ милицийы Ӕхсæнадон фæтк хъахъхъæныны управленийы хистæр Гаглойты Маир.
Фæндагон змæлды æдасдзинады инспекцийы управленийы сæргълæууæг Джиоты Алан йæ раныхасы банысан кодта, зæгъгæ, управленийы куыст сæйраджыдæр здæхт у фæндагон змæлды æдасдзинад æмæ æхсæнадон фæтк халджытæн ныхдур æрæвæрынмæ. «Фæткхалджыты ныхмæ систематикон æгъдауæй уагъд цæуынц рейдон мадзæлттæ куыд горæт Цхинвалы, афтæ ма районты дæр» – банысан кодта Джиойы фырт.
9 мæйы дæргъы управленийы бакæнгæ куысты фæстиуæгæн тæ-рхондон æрфарста 197 шофыры. 16 дзы ахст æрцыдысты. 394 шофыры баурæдтой нозтджынтæй. Хъыгагæн, фаронимæ абаргæйæ, нозтджын шофырты нымæц фæфылдæр 19 адæймаджы бæрц.
Кæронбæттæны Лалыты Геннади управленийы цалдæр кусæджы схорзæхджын кодта «Милицийыл 100 азы сæххæсты цытæн» майдантæй сæ службæйон хæстæ иттæг хорз кæй æххæст кæнынц, уый сæраппонд.
Джиоты Александр
Comments are closed, but trackbacks and pingbacks are open.