Хуссар Ирыстоны Уæрæсейы президентон æвзæрстыты æмгъуыдæй раздæр хъæлæс кæныны фыццаг бон схъæлæс кодтой, Республикæйы цæрæн пунктты цы адæм цæрынц, уыдонæй 636 уæрæсейаг æмбæстаджы, – фехъусын кодта РХИ-йы УФ-йы минæварады консулон хайады гæс Сергей Алексеев.
«Знауыры районы схъæлæс кодтой 112 æвзарæджы, Дзауы – 87, Ленингоры – 266, Цхинвалы -134, горæт Къуайсайы -37», -загъта Сергей Алексеев.
Æвзарæн къамис банысан кодта Республикæ Хуссар Ирыстоны районты æвзарджыты активондзинад. Дзауы районы №8362 фадыгон æвзарæн къамисы сæрдар Сергей Кисляковы ныхæстæм гæсгæ, æмгъуыдæй раздæр хъæлæс кæныны фыццаг бон æвзарджытæ Синагуры хъæуы цас æнхъæлдтам, уымæй уыдысты 5 проценты фылдæр.
Хуссар Ирыстоны æмгъуыдæй раздæр хъæлæс кæныны куыст дард цæрæн пунктты абон дæр цæуы. Знауыры районы №8361 æвзарæн къамисы сæрдар Михаил Степанов фехъусын кодта, зæгъгæ, ныртæккæ хъæлæс дæттынц, Зиулеты æмæ Мугуты администрацитæм цы хъæутæ хауынц, уыдоны æмæ арæнхъахъхъæнæг заставæйы УФ-йы æмбæстæгтæ.
«Нырттæккæ æвзарджыты 25 проценты схъæлæс кодтой, уый хорз у. Æвзарæн къамисты уæнгтæ бацыдысты уатон рынчынтæм дæр, уыдонæн организаци æрцыд, цæмæй хæдзары схъæлæс кæной», – загъта Степанов
Россотрудничествойы минæварады къухдариуæггæнæг банысан кодта, зæгъгæ, хъæлæс дæттыны рæстæджы æдасдзинад хъахъхъæнынц бынæттон милици, ОМОН æмæ паддзахадон æдасдзинады комитеты кусджытæ. Æвзарæн процессы организацийы активон хайад исынц хъæууон администрациты къухдариуæггæнджытæ.
Æмгъуыдæй раздæр хъæлæс дæттынц Ленингоры районы Балта æмæ Ларгвисы, афтæ ма Цхинвалы районы Дисеу, Арцеу æмæ Сатихъары хъæуты.
Comments are closed, but trackbacks and pingbacks are open.