Абон Уæрæсе хæцæнгæрзты нырыккон хуызтæ бакусыны фæдыл ахсы лидеры позици, – фехъусын кодта УФ-йы Президент Владимир Путин. «Махæн АИШ-имæ ис абаргæ паритет боезарядты (ядерон хæцæнгарз) нымæцмæ гæсгæ, фæлæ уæддæр нæ перспективон бакуыстыты стæм лидертæ. Уый фыццаг. Æмæ нæм традиционæй цы хæцæнгæрзты потенциал ис, уый мах æрмæст модернизаци нæ кæнæм, фæлæ ма сæ кæнæм ног комплекстæ дæр. Уымæ гæсгæ махæн фидарæй нæ бон зæгъын у уый, æмæ ацы бæрæггæнæнтæм гæсгæ абон дунейы мах кæй стæм фыццаг. 2018 азæй ацы хæцæнгарз никæмæ ма фæзынд», – загъта Владимир Путин фильм «Россия. Новейшая история»-йы. Уый банысан кодта, зæгъгæ, абон æрмæстдæр Уæрæсемæ ис гиперзæлон хæцæнгарз, фæлæ абон уа æви фæстæдæр, уый фæзындзæн æндæр размæдзыд дунеон паддзахадтæм.
«Уый фæзындзæн. Фæлæ æз хъуыды кæнын афтæ, æмæ махæн нæ бон у нæ партнерты дисы баппарын, уымæн æмæ уыдонмæ ацы хæцæнгарз куы фæзына, уæд махмæ та уæдмæ фæзындзысты ацы хæцæнгарзы ныхмæ фæрæзтæ», – загъта Путин. Ныртæккæ Уæрæсе дунейы у фыццаг бæстæ, цыран æфсæдты ифтонг кæнынц гиперзæлон ракетæтæй кæнæ та сты цæттæдзинады бæрзонд къæпхæны. УФ-йы Гарзджын тыхты хæстон радгæсад хæссынц авиакомплекстæ «Кинжал», паддзахадон фæлварæнтæ цæуы гиперзæлон ракетæ «Циркон», хæстон радгæсад хæссынц гиперзæлон блокимæ стратегион ракетæтæ «Авангард».
Уый размæ УФ-йы фæсарæйнаг хъуыддæгты министры хæдивæг Андрей Руденко Минскы уæрæсейаг æмфыдыбæстæйонты дунеон фæсивæдон форумы фехъусын кодта, зæгъгæ, Уæрæсе никæмæн ныббардзæн йæхимæ ахасты «бæрзонд тонæй» дзурын. «Дунейы уавæр у вазыгджын. Уымæн йæ сæйраг аххосаг у æнæлегитимон инструменттыл æнцой кæнгæйæ ныгуылæйнаг партнертæ сæвзæргæ проблемæтæ æппынæдзух дæр тыхы фæрцы аскъуыддзаг кæнынмæ кæй тырнынц, уый – иуварсон санкцитæ бакæнгæйæ æндæр суверенон паддзахадты хъуыддæгты хи схæццæ кæнгæйæ æмæ хуызджын революцитæ аразгæйæ. Нысанмæздæхтæй хæлд цæуы ИНО-йы дунейы барады системæ, кæцы арæзт æрцыд Дыккаг дунеон хæсты фæстæ. Мах цæттæ стæм æмбарадон æхсæнпаддзахадон диалог рæзын кæнынмæ дунеон барады фидар бындурыл», – загъта уый.
УÆРÆСЕЙЫ НЫРЫККОН ХÆЦÆНГÆРЗТÆ
«Авангард»-æн йæ бон у йæ тагъдад рæзын кæнын, кæцы 20 хатты фылдæр у зæлы тагъдадæй. Ацы системæтимæ фыццаг полк равæрд ис Оренбургы областы Ясненскы ракетон дивизийы.
Гиперзæлон комплексы ракетæ «Кинжал», йæ бакусджыты хъусынгæнинагмæ гæсгæ гарантионæй хизы уæлдæфон æмæ ракетæты ныхмæ æппæт уæвæг системæты сæрты, 2 мин километры дæрддзæгмæ ядерон æмæ хуымæтæджы боезарядтæ бахæццæ кæнгæйæ. Гиперзæлон ракетæ «Циркон»-æн йæ бон у зæлы тагъдадæй фараст хатты бæрзонддæр тагъдад рæзын кæнын, йæ атахты дæрддзæг та у иу мин километрæй фылдæр.
«ЦИРКОН»-Ы НОГ ФÆЛВАРÆНТÆ
Ацы бонты Урс денджызы уагъд æрцыдысты уникалон уæрæсейаг гиперзæлон ракетæ «Циркон»-ы ног фæлварнтæ, кæцыйы фехстой Цæгат флоты «Адмирал Горшков»-ы фрегатæй. Ракетæ сæмбæлд йæ нысаныл. Уый уыд фæлварæнты кæройнаг этапы хай. Уый размæ ноябры мæйы дæр «Циркон»-ы фæлварæнтæ уыдысты Урс денджызы æмæ уый дæр уыд æнтыстджын. «Циркон» тæхы сахаты мидæг 10 мин километры. Ахæм тагъдадимæ уымæн тас нæу ПРО-ты цахæмфæнды системæйæ дæр. Ацы ракетæтæ æфсадмæ фæзындзысты 2022 азы.
Comments are closed, but trackbacks and pingbacks are open.