Республикæ Хуссар Ирыстоны Президент Бибылты Анатоли бабæрæг кодта Каракасы Национ Пантеон, цыран æнцойад кæны Симон Боливар. Бибылты Анатоли скад кодта Венесуэлæйы национ хъайтарæн æмæ Мысæн чиныджы фыст ныууагъта.
Визиты кæрон ма Хуссар Ирыстоны делегаци фембæлд Боливариаг Республикæ Венесуэлæйы вице-президент Делси Родригесимæ.
Дыууæ фарс дæр сæ хъуыдытæ загътой дунейы уавæры æмæ ахастытæ рæзын кæныны æнæмæнгхъæуындзинады тыххæй. Делси Родригес бузныджы ныхæстæ загъта Бибылты Анатоли æмæ Хуссар Ирыстоны делегацийы уæнгтæн Президент Николас Мадуройы ард бахæрæны церемонийы хайад райсыны тыххæй.
Бибылты Анатоли дæр йæ дисы æнкъарæнтæ загъта Венесуэлæйы адæмы принципиалондзинады тыххæй, кæцы цæуы, сæ фыдæлтæ сын кæй ныффæдзæхстой, уыцы фæндагыл. Уый банысан кодта, Хуссар Ирыстоны стыр аргъ кæй кæнынц Венесуэ-лæимæ ахастытæн æмæ кад кæнынц Уго Чавесы рухс номæн, кæцы банымадта нæ республикæйы хæдбардзинад.
Латинаг Америкæмæ йæ фыццаг визиты фæлгæтты Бибылты Анатоли хайад райста Венесуэлæйы Президент Николас Мадуройы инаугурацийы цытджын церемонийы, фембæлд Никарагуайы Президент Даниэл Ортегаимæ.
Афтæ ма уагъд æрцыд хицæн фембæлд Республикæ Сальвадоры Президент Сальвадор Санчес Серенимæ, кæцыйы рæстæджы дыууæ бæстæйы лидертæ сæ хъуыдытæ загътой дыууæфарсон ахастыты рæзты тыххæй.
РХИ-йы Президентимæ балцы уыдысты РХИ-йы Фæсарæйнаг хъуыддæгты министр Медойты Димитр, Президенты Паддзахадон уынаффæгæнæг Коцты Константин, Боливариаг Республикæ Венесуэлæйы РХИ-йы Уæлвæткон æмæ Æххæстбарджын минæвар Козаты Нарим.
Ацы æрмæджытæ дæр бакæс:
Ныр та æрцыд Венесуэлæйы рад?
РХИ-йы Фæсарæйнаг хъуыддæгты министрады пресс-службæйы Хъусынгæнинаг
Хуссар Ирыстон æмæ Венесуэлæ фæнд кæнынц хæларадон ахастытæ сфидардæр кæнын
Фембæлд Боливариаг Республикæ Венесуэллæ æмæ Республикæ Никарагуайы Республикæ Хуссар Ирыстоны Уæлвæткон æмæ Æххæстбарджын минæвар Козаты Наримимæ
Тыбылты Леонид йæхимæ райста Венесуэлæйы хъуыддæгты рæстæгмæ бæрнджыны
Comments are closed, but trackbacks and pingbacks are open.