Уынаффæ кодтой национ кадртæ цæттæ кæныны фарстыл

РХИ-йы Хицауады Сæрдар Пухаты Эрикы къухдариуæгадæй уагъд æрцыд æмбырд, цыран уынаффæ кодтой национ кадртæ цæттæ кæныны фарстыл.

Хицауады Сæрдар министртæн бахæс кодта, цæмæй саразой иу-уыл дефецитондæр специалистты номхыгъд, кæцытæ бахъæудзысты республикæйы фидæны.

«Республикæйы социалон-экономикон стратеги нымад у 2030 азы онг, æмæ бæрæг кæны ахæм фадгуыты рæзт, куыд энергетикæ, хъæууон хæдзарад, цæрæнуатон-коммуналон хæдзарады фадыг, æнæниздзинад хъахъхъæнын, кæцыты ис кадрты цухдзинад ныртæккæ дæр. Æнæмæнгхъæуæг у республикæйы домæнтæн прог-ноз саразын рæзты стратегимæ гæсгæ, æмæ абон бацархайын хъæуы профилон специалистты бацæттæ кæныныл», – загъта Пухаты Эрик.

Йæ ныхæстæм гæсгæ, Уæрæсейы Федераци Хуссар Ирыстонæн ахъаз кæны ацы фарсты фæдыл, йæхи специалистты æрвитгæйæ, фæлæ республикæйы хъæуы йæхи сæрмагонд кадрон потенциал рауæрæх кæнын.

«Абон махмæ кусынц Уæрæсейæ æрхонгæ специалисттæ, фæлæ афтæ æдзух ма хъуамæ уа. Мах хъæуы нæхи кадртæ, кæцыты цæттæ кæныны хъуыддаджы баххуыс кæндзæн Уæрæсейы Федераци. Махмæ фаг ис юристтæ, экономисттæ, стомотологтæ, фæлæ цух æййафæм техникон специалисттæй, афтæ ма энергетиктæ, аграритæ æмæ æндæртæй. Мах хъуамæ хорз æмбарæм, республикæйы цы ивындзинæдтæ цæуы, уый æмæ уыдонмæ цæттæ хъуамæ уæм хорз ахуыр национ кадрты хуызы», – загъта Хицауады Сæрдар.

Ацы æрмæджытæ дæр бакæс:

Профессионалон кадртæ нын нæ фаг кæны Бюджетон ивындзинæдтæ, кадртæ цæттæ кæнын Уынаффæ цыд æртаг-сæрдæн æрмæджытæй æнæкъуылымпыйæ ифтонг кæныны фарстыл Уынаффæ цыд президентон æвзæрстытæм цæттæ кæныны фарстытыл РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй