Ӕрвылаз дæр Мидхъуыддæгты министрады управлениты æмæ хайадты уагъд фæцæуынц марш-бросоктæ æмæ та ныр дæр планмæ гæсгæ æххæст цæуынц. Развæлгъау арæзт æрцыдис график æмæ уымæ гæсгæ иууылдæр хъуамæ сæххæст кæной сæ службæйон цæттæдзинады нормативтæ.
Фыццаг уал алыгъдысты дистанци 7 километры бæрц милицийы миграцийы фæдыл фарстаты управленийы кусджытæ. Сæ маршрут уыд Цхинвалы районы Присы хъæуæй Хурзæрины микрорайонмæ. Марш-бросокмæ иууылдæр æрбацыдысты рæстæгыл æмæ йæ алыгъдысты нормативмæ гæсгæ.
Уый фæстæ марш-бросоктæ арæзт æрцыдысты горæты æмæ районты милицийы управленитæн, æнæведомствæйон хъахъхъæныны управленийæн, фæндагон змæлды æдасдзинады управленийæн æмæ рæстæгмæдарæн изоляторы кусджытæн. Нормативтæм гæсгæ дистанцийы дæрддзæг 5 километрæй къаддæр ма хъуамæ уа æмæ йæ иу сахатмæ та лидзгæ хъуамæ акæной. Семæ æнæмæнгæй вæййынц милицийы медикон-санитарон хайы кусджытæ дæр.
Марш-бросоктæ куыд уагъд цæуынц, уымæ йæ хъус дары Мидхъуыд-дæгты министры хæстæ рæстæгмæ æххæстгæнæг Пухаты Мераб йæхæдæг. Цалдæр хатты та семæ лидзгæ дæр акодта æнæхъæн дистанци æмæ ахæм къахдзæфæй æрыгон кусджытæн равдыста, æдзух кæй хъæуы хиуыл кусын, физикон цæттæдзинад хуыздæр кæнын.
ДЖИОТЫ Александр
Comments are closed, but trackbacks and pingbacks are open.