Мидхъуыддæгты министрадæн 9 июны нысангонд æрцыд ног сæргълæууæг – милицийы булкъон Гæззаты Валери, æмæ алкæйдæр цымыдис кæны, цахæм фæндтæ йæм ис ведомствойы куыст фæхуыздæр кæнынæн, уый. Иууыл фыццаг æм фарстатæ æрбарвыста газет «Южная Осетия»-йы уацхæссæг Биазырты Мæдинæ æмæ ног сæргълæууæг йæ дзуаппыты равдыста, æввахс рæстæджыты уæлдай хъусдард кæдæм хъæудзæнис аздахын министрады къухдариуæгады.
Гæззаты Валерийы хъуыдымæ гæсгæ нырма бæлвырд пълæнттæ æмæ реформæтæ аразынæн раджы у, – лæмбынæг анализ уал саразын хъæуы æппæт дæлхæйтты æрвылбонон куыстæн, ныбиноныг кæнын хъæуы статистикон бæрæггæнæнтæ, æмæ уый фæс-тæ рахæссæн уыдзæнис исты уынаффæтæн.
«Æвиппайды исты ивындзинæдтæ хæссынмæ куы фæуæм, уæд гæнæн ис æмæ реформæйæн йæ пайдайæ йæ зиан фæфылдæр уа. Фыццаджыдæр уал раздахын хъæуы адæмы æууæнк, кæцы фæстаг рæстæджыты фæцудыдта. Стæй та, æвæццæгæн, фæактивондæр кæнын хъæуы наркоманийы ныхмæ тох кæнын æмæ фæндагон змæлды æдасдзинады хаххыл эффективондæр мадзæлттæ райсын. Фæндагон змæлды æдасдзинады уавæрмæ куы æркæсæм, уæд бæрæг у, ацы проблемæ кæй æндавы æппæт æмбæс-тæгтыл дæр – шофырæй райдай æмæ фистæг бæлццонæй фæу».
Цæмæй ведомствойы куыст размæ ацæуа, уый тыххæй, Министры хъуыдымæ гæсгæ, райдайын хъæуы Мидхъуыддæгты министрады хисæрмагонд æдасдзинады управленийæ. Гæззаты Валери ныры онг ацы управленийы сæргълæууæг кæй уыд, уый фæдыл уæм фарста сæвзæрдзæнис, ома, «уым кусгæйæ, цæмæннæ иуварс кодта хъæндзинæдтæ?». Фæлæ объективон æмæ субъективон аххо-сæгтæм гæсгæ абоны бон дæр Хисæрмагонд æдасдзинады управленийæн нæй æххæст-бартæ, цæмæй æнтыстджынæй архайа. Æмæ ныр ведомствойы сæргълæууæг, æппæт цухдзинæдтæ хынцгæйæ, нысанмæздæхтæй райдайдзæнис ацы управленийæ, цæмæй фæстæдæр æппæт дæлхæйтты куыст дæр фæрæвдздæр уа, сæ службæйон хæстæ бæрзонддæр æмвæзадыл æххæст кæной милицийы кусджытæ.
Адæмы æууæнк раздахыны тыххæй дæр ног министр афтæ хъуыды кæны, ома бынтон мæгуырау нæу уавæр.
«Адæмæй йæ бирæтæ æмбарынц, цалдæр милицийы кусæг куы фæрæдиой, уæд æгас Мидхъуыддæгты министрад кæй нæу аххосджын, уый. Стæй ма не ‘мбæстæгтæй кæцы-дæртæ не ‘мбарынц, милицийы кусджыты сæ куысты спецификæмæ гæсгæ арæх кæй бахъæуы тыхæй спайда кæныны æмæ æндæр ахæм мадзæлттæ райсыны сæр, фæтк-халджыты æмæ фыдгæнджыты ныхмæ. Нæ адæмы менталитет та ахæм у æмæ нæм кæдфæнды дæр уыдзæнис хъастгæнджытæ, нæ куыст кæй зæрдæмæ нæ цæуы, ахæмтæ. Зæгъæм, ныридæгæн та райдыдтой дзуары бонтæ æмæ æндæр алыгъуызон фынгтæ саразын, цыран не ‘мбæстæгтæй кæцыдæртæ фæнозтджын вæййынц æмæ афтæмæй сбадынц сæ автомашинæтыл. Милицийы кусджытæ, сæ службæйон хæстæ цæсгомджынæй æххæстгæнгæйæ, ахæм шофырты куы бауромынц, уæд семæ загъд самайынц, ома нæ цæмæн баурæдтай. Хъыгагæн, фæстаг рæстæджыты сылгоймаг нозтджын шофырты нымæц бæрæг фæфылдæр ис. Алкæцы шофыры дæр фæдзæхсын, цæмæй нозтджынæй ма бадой машинæтыл æмæ фыдбылызы ма æппарой сæхи дæр æмæ искæйы дæр. Уыцы хъуыддаг барст никæмæн æрцæудзæнис».
Кæцыфæнды куыстуаты дæр рæстмæ кад-рон политикæ уадзын стыр ахъаз у размæцы-дæн, æмæ Гæззаты Валерийы ныхæстæм гæсгæ, ацы фарстмæ дæр уæлдай хъусдард æрцæудзæнис здæхт.
«Милицимæ кусынмæ кæй исæм, уыцы кандидаттæм домæнтæ фæкарздæр кæн-дзыстæм. Ацы фадыджы нын зын уыдзæнис архайын, уымæн æмæ бирæ азты дæргъы, иумийагæй сисгæйæ, ахуырады æмвæзад бæрæг фæныллæгдæр ис, стæй ма кæмæ-дæрты фаг хъомылдзинад дæр нæ вæййы æмæ сæхи дарын нæ фæзонынц æхсæнады. Мах та кусджытæ исæм нæхи бынæттон цæрджыты ‘хсæнæй. Фæлæ нын ацы хъуыддаджы стыр ахъаз сты, æрвылаз Уæрæсемæ ахуырмæ цы курсантты арвитæм, уыдон. Мæнмæ гæсгæ, уыцы рауагъдонтæ, цыбыр рæстæг фæлтæрддзинад райсыны фæстæ, суыдзысты милицийы аккаг кусджытæ. Нæ фидæн уыдон сты». Милицимæ бирæтæ цæуынц æр-мæстдæр мызды тыххæй æмæ иуæй, æвæццæгæн, кæмдæр раст у. Уымæн æмæ аккаг мыздæн дæр стыр нысаниуæг ис. Фæлæ ма, уыимæ иумæ Гæззаты Валерийы хъуыдымæ гæсгæ, милицийы кусæг хъуамæ æнæмæнг уарза йæ куыст дæр.
Ног сæргълæууæг ахæм ныфсытæ нæ дæтты, кæцытæн сæххæст кæнæн нæй. Стæй куыдфæнды хорз ма райдайа архайын, уæддæр æвиппайды не ‘рбайсæфдзысты фæткхалæн цаутæ æмæ фыдракæндтæ, уайтагъд нæ фæтары уыдзæнис наркомани, кæнæ нозтджын шофыр нал сбаддзæнис йæ машинæйыл. Гæззаты Валери ныфс æвæры, алы милицийы кусæгæй дæр кæй домдзæнис рæстдзинад æмæ ак-каг ахаст не ‘мбæстæгтæм, – «закъон алкæмæндæр уыдзæнис иу».
Наркоманийы проблемæ æрмæст кæцыдæр бинонтæм нæ хауы, фæлæ æгас æхсæнадмæ. Мах хуызæн чысылнымæц республикæйыл та бынтон тынг æндавы. Уымæ гæсгæ, æнæзакъонæй наркотикон буарадтæй чи пайда кæны, æмæ сæ чи парахат кæны, уыдоны ныхмæ тох кæнын уыдзæнис приоритетон Мидхъуыддæгты министрадæн.
«Ацы проблемæ уæвынад кæны æппæт бæстæты дæр. Махмæ, æз æй куыд зонын, афтæмæй уавæр мæгуырау нæу, – ныридæгæн нæм нæй ахæм гоймæгтæ, кæцытæ парахат кæнынц уæззау наркотиктæ. Фæлæ уæддæр райсдзыстæм æппæт мадзæлттæ, фæкарздæр кæндзыстæм нæ тох, наркотиктæ æмæ психотропон препараттæ чи парахат кæны, æмæ сæ чи пайда кæны, уыдоны ныхмæ».
Мидхъуыддæгты министрады хаххыл закъонæвæрынад цæмæй хъахъхъæд цæуа, уый тыххæй хъæуы системон æмæ комплексон куыст кæнын æрмæст барадхъахъхъæнæг органты ‘хсæн нæ, фæлæ иннæ стуктурæтимæ æмæ хицауады æндæр къабæзтимæ дæр. Ведомствойы ног хистæры ныхæстæм гæсгæ, куыст афтæ æвæрд куы уа, уæд кæрæдзи æхсæн архайдæн уыдзæнис æнтыстытæ, æмæ закъоны сæрты дæр ничи хиздзæнис.
«Бирæ хæттыты милицийы кусджытæ фæивар кæнынц фæткхалджыты, фæлæ дарддæр сæ ивар бафидын махмæ нал фæхауы. Афтæмæй та, мах нæ куыст бакæнæм, фæлæ фæтк-халæг бæрндзинадæй аивæрзы – йæ ивар нæ бафиды. Цалынмæ ахæмтæ закъоны фæлгæтты æфхæрд æрцæуой, уæдмæ нæ пълæнттæ æмæ не ‘нтыстытæ уыдзысты, æрмæстдæр гæххæттыл фыстæй. Æхсæнадæй æв-зæрдзинад аиуварс кæнын у комплексон куыст æмæ йыл æрмæст милицийы кусæг никуы фæтых уыдзæнис», – банысан кодта Гæззаты Валери.
ДЖИОТЫ Алыксандр
Comments are closed, but trackbacks and pingbacks are open.