ДÆРДДЗÆГМÆ КУЫСТЫ   ТЫХХÆЙ ЗАКЪОН

Уæрæсейы Президент Владимир Путин йæ къух æрæвæрдта дæрддзæгмæ куысты тыххæй ног федералон закъоныл.

Ног закъонæвæрынадон акт æххæстæй мыхуыргонд æрцыд барадон информацийы паддзахадон порталы (закъон йæ тыхы бацæудзæн 2021 азы 1 январы).

Закъон бæлвырд кæны дæрддзæгмæ (дистанцион) куысты фæтк, фидар кæны, дæрддзæгмæ куыстмæ кæй раивтой, уыцы кусджытæ æмæ сæ куыстдæтджыты барадон æмахастдзинæдтæ.

Зындгонд куыд у, афтæмæй дистанцион куысты уагæвæрд нæ царды фæзынд хæрзæрæджы, ду-нейыл коронавирусы пандеми куы апарахат, уæд. Уыцы ног уавæр бирæ ногдзинæдтæ бахаста не ʻппæты æрвылбоны цардмæ дæр, уыимæ, уæлæмхасæн фарстытæ сæвзæрын кодта фæллойадон-барадон къабазы дæр. Уыцы хъуыддаджы бæлвырд юридикон фæтк сæвæрыны нысанимæ фидаргонд æрцыд ацы ног закъон дæр.

Зæгъæм, ног закъоны бындурыл, кусæджы дæрддзæгмæ куыстмæ раивæн ис æппæты фылдæр 6 мæйы æмгъуыдмæ. Уыимæ, уыцы æууæл мызд фæкъаддæр кæнынæн бындур хъуамæ ма уа. Дистанцион куысты фæткмæ кæй раивтой, уыдоны куыстдæттæг хъуамæ сифтонг кæна æппæт хъæугæ техникæйæ. Ног барадон акт бæлвырд кæны куыст-дæтджытæ æмæ кусджыты иннæ фæллойадон ахастдзинæдты фæтк дæр.

 («ТАСС»)

Ацы æрмæджытæ дæр бакæс:

Дистанцион базар:  хæрзвадат у, фæлæ… Реформæтæ – юстицийы министрады Хæдбардзинад расидыны Акт – нæ паддзахаддзинады фидар бындур «Республикæ Хуссар Ирыстоны уæлахизæн фидар бындур æрæвæрдта хæдбардзинад расидыны Акт» Хæдбардзинады Акты райст — историон рæстдзинады уæлахиз

Comments are closed, but trackbacks and pingbacks are open.