Уæрæсейы мидхъуыддæгты министрады уæлдæр ахуыргæнæндæттæм кæй æрвитынц, уыцы 10 курсанттæн цæттæгæнæн курсытæ уадзынц РХИ-йы мидхъуыддæгты министрады профессионалон цæтæгæнæн центры. Теоретикон лекцитæ сын уадзынц æрвылбон дæр ахæм темæйыл – «Мидхъуыддæгты органты кусæджы барадон цæттæдзинад». Зонындзинæдтæ ма исынц этикæйæ, психологийæ æмæ æндæр предметтæй дæр. Уымæй уæлдай ма сын уадзынц практикон ахуыртæ рæнхъон цыдæй æмæ сын хуыздæр кæнынц сæ физикон цæттæдзинады æмвæзад.
Ацы цæттæгæнæн курсыты фæстæ та сæм æнхъæлмæ кæсы цытджын мадзал – Республикæ Хуссар Ирыстоны мидхъуыддæгты органты кусæджы ардбахæрд.
ДЖИОТЫ Алыксандр
