Хуссарирыстойнаг спорстменкæтæ систы стъолы теннисæй Налцыччы уагъдцæуæг Цæгат Кавказы Федералон зылды чемпионаты призертæ. Командон ерысты РЦИ-Аланийы æмбырдгонды сконды Елбачиты Иринæ, Кокойты Амандæ æмæ Джиголаты Аланæ систы чемпионаты æвзист призертæ. Уый тыххæй хъусын кæны РХИ-йы стъолы теннисы федерацийы президент æмæ Уæлдæр спортивон дæсныйады скъолайы тренер Джиоты Мириан. Елбачиты Иринæйæн ма бантыст æвзист майдан хисæрмагонд ерысты дæр рамбулын. Афтæ ма уый майдантыл тох кодта къæйтты ‘хсæн ерысты дæр. Цæгатирыстойнаг спортсменкæ Светлана Лапинаимæ архайгæйæ сын бантыст æртыккаг бынат бацахсын.

Хисæрмагонд ерысты Елбачиты Иринæйæн ахæм æнтыст кæй уыд, уый фæрцы бар райста Уæрæсейы чемпионаты хайад райсынæн, кæцы уагъд цæудзæн 12-19 апрелы Мæскуыйы.

«Фыццаг хатт нæ республикæйы минæвар хайад райсдзæн Уæрæсейы чемпионаты. Уый та нæ республикæйæн у стыр æнтыст», – банысан кодта Джиоты Мириан.

ХУРИТЫ Батрадз

Ацы æрмæджытæ дæр бакæс:

Стъолы теннис / уæгъдибар хъæбысхæстСтъолы теннис / уæгъдибар хъæбысхæст СТЪОЛЫ ТЕННИС Default Thumbnail2020 азы спортивон æнтыстытæ Стъолы теннис Default Thumbnail2019 азы спортивон цаутыл афæлгæст

Comments are closed, but trackbacks and pingbacks are open.