Албанийы столицæ Тиранайы фæцис, 24 азы онг кæуыл цæуы, уыцы спортсменты ‘хсæн дунейы чемпионат спортивон хъæбысхæстæй. Чызджыты ‘хсæн ерысты 65 кг уæзы категорийы дыккаг бынат бацахста Танделаты Аминæ. 62 кг уæзы категорийы та æртыккаг ссис Кæсæбиты Алинæ.
ГРЕКЪАГ-РОМАГ ХЪÆБЫСХÆСТ
Горæт Уфайы уагъд æрцыд Уæрæсейы Кубок грекъаг-ромаг хъæбысхæстæй. Ерысты 82 кг уæзы категорийы æвзист призер ссис Джиоты Дмитри. Бронзæй майданы хицау та бацис хорзæх та бафтыд Богъаты Вадим. Уый та архайдта 63 кг уæзы категорийы.
РАМБЫЛДТОЙ ФАРАСТ МАЙДАНЫ
Ирыстоны хъæбысхæсты скъолайы хъомылгæнинæгтæ 9 майданы рамбылдтой Владимир Семеновы номыл турниры. Ерыстæ уагъд цыдысты Нефтеюганскы. 86 кг уæзы категорийы фыццаг бынат бацахста Найфонты Алан. Æвзист призертæ систы Хæдæрцаты Алик (65 кг) æмæ Джиоты Георги (125 кг). Бронзæйон призертæ та систы Тускъаты Азæмæт, Хъызынты Дзамболат (65 кг), Уалыты Эльбрус (65 кг), Хъарданты Магомет (74 кг), Чертхъоты Руслан (86 кг) æмæ Суанты Хъазбег (92 кг).
ХУРИТЫ Батрадз
