Ӕрæджы Дзæуджыхъæуы ахуыр æмæ тренировкæ кæнæн базæйы центр «Тактика-А»-йы уагъд æрцыд турнир «Сентябрь 2004» дамбаца æмæ автоматæй æхсынæй. Хайад дзы райстой 50 адæймагæй фылдæр æндæр æмæ æндæр регионтæй – Дзæуджыхъæуæй, Воронежæй, Мæскуыйæ, Стъараполæй æмæ афтæ дарддæр. Йæ хайадисджытæ уыдысты спортсментæ, тыхон структурæты кусджытæ æмæ ма хуымæтæг адæм дæр. Чемпионаты хайад райста Хуссар Ирыстоны командæ дæр, кæцыйы сконды уыдысты милицийы сæрмагонд нысаниуæджы къорды цыппар хæстоны.

Ерысты сæххæст кодтой авд фæлтæрæны, – фехстой автоматæй æмæ дамбацайæ иу ран лæугæ æмæ цæугæ мысæнттæм алыгъуызон позицитæй. Ӕхсджытæ быцæу кодтой тагъд æхсынæй, динамикæйæ æмæ мысæнттæ акъахынæй. Ерыстæн хатдзæгтæ саразыны фæстиуæгæн индивидуалон зачеты иууыл рæстдзæ-виндæрыл нымад æрцыд Хуссар Ирыстоны спецкъорды кусæг Медойты Давид, кæцы иннæ хайадисджыты рамбылдта алы фæлтæрæны дæр. Уæлахиздзау хорзæхджын æрцыд фыццаг къæпхæны дипломæй æмæ ма йын радтой кубок дæр.

Ацы турнир уагъд цæуы æрвылаз дæр 2013азæй фæстæмæ æмæ у номарæн спецкъордты кусджытæн, кæцытæ фæмард сты, 2004 азы 3 сентябры  Беслæны 1-æм скъолайы амынæты чи баззад, уыдоны куы сæрибар кодтой, уæд.

ДЖИОТЫ Алыксандр 

Ацы æрмæджытæ дæр бакæс:

Default ThumbnailАхæмтæй сæрыстыр вæййы наци кæнæ та райгуырæн Ирыстонæн кадгæнджытæ Бацахстой æртыккаг призон бынат Default Thumbnail2004 азы августы æндыгъд бонты… Спорт у æнæниз фæлтæр схъомыл кæныны сæйраг фæрæз Арæнхъахъхъæнджыты ’хсæн рабæрæг сты хуыздæр æхсджытæАрæнхъахъхъæнджыты ’хсæн рабæрæг сты хуыздæр æхсджытæ

Comments are closed, but trackbacks and pingbacks are open.