Горӕт Цхинвалы милицийы управленийы фадыгон инспектортӕ скуынӕг кодтой энергетикон нозтыты иу парти тӕрхондоны уынаффӕмӕ гӕсгӕ. Ацы энергетикон нозтытӕ конфискаци ӕрцыдысты дуканитӕй рейдон мадзӕлтты рӕстӕджы, тӕрхондон фӕивар кодта дуканиты хицӕутты ӕмӕ конфискацигонд товарӕн та скуынӕг кӕныны тӕрхон рахаста. Фадыгон инспектортӕ байгом кодтой банкӕтӕ ӕмӕ йын йӕ нозт акалдтой зӕхмӕ. Энергетикон нозтытӕ куынӕг кӕныны процесс фыст ӕрцыд фото ӕмӕ видеоафыссӕн аппараттыл, æппæт уыдæттыл сарæзтой акт дӕр.
2012 азы РХИ-йы Парламент райста сӕрмагонд закъон энергетикон нозтыты тыххӕй ӕмӕ уӕдӕй фӕстӕмӕ нӕ республикӕйы территоримӕ нӕй энергетикон нозтытӕ ласыны ӕмӕ сӕ уӕй кӕныны бар. Фӕткхалджытӕ ӕрцӕуынц иваргонд, контрафактон товар та сконфискаци кӕнынц барадхъахъхъӕнӕг органтӕ.
ДЖИОТЫ Алыксандр
Ацы æрмæджытæ дæр бакæс:
Иеговӕйы ӕвдисӕнтӕ: «Уӕ ирон удты фӕдыл тох райдыдта ӕмӕ уе ууӕнк ӕфтаут нӕ америкӕйаг хуыцауыл!»
«Уӕлахиз – ӕнӕрӕдыд!» – «Æппӕтӕй уӕлдӕр – уӕлахиз!»
Сæ адæмæн лæггад кæнын сæ службæйон хæс
Республикæ Хуссар Ирыстоны Парламенты Уынаффæ
«Алгъуызы» иу тæлмацы тыххæй, кæнæ куыд фæзынынц историон мифтæ æмæ мæнг халдихтæ
