Иеговӕйы ӕвдисӕнтӕ: «Уӕ ирон удты фӕдыл тох райдыдта ӕмӕ уе ууӕнк ӕфтаут нӕ америкӕйаг хуыцауыл!»

Хуссар Ирыстон у бирӕнацион республикӕ, кӕцыйы ӕмбӕстӕгтӕ хӕст сты алы ӕмӕ алыгъуызон динон уырнынадтыл. Кӕд бындурон диныл нымад цӕуы чырыстон дин, проценттӕм гӕсгӕ цӕрджыты фылдӕр хай сӕхи нымайынц чырыстӕтты библийон сыгъдӕг уырнынадӕн табугӕнджытыл, уӕддӕр цъус не сты, ӕндӕр уырнынадтыл, куыд ислам, муртаккаг, буддизм, католицизм, протестантизм ӕмӕ ӕндӕртыл хӕст чи у, ахӕмтӕ. Ахсджиаг уый у, уырнынады фарст адӕмӕн цӕхгӕр фӕдыздӕхт кӕй нӕу. Фӕлӕ уӕддӕр ӕмбӕлӕм сектантон организацитыл. Абон нӕ ныхасы сӕр у «Иеговӕйы Æвдисӕнты» культы фӕдонты, йӕ парахатгӕнджытӕ, ӕмӕ «сӕ Хуыцауӕй» табугонд ӕмӕ спонсортӕ чи сты, уыдоны тыххӕй.

Ацы змӕлдмӕ адӕм куыдфӕндыйы ахаст кӕй нӕ дарынц, уый ӕнӕбындур нӕу. Фӕлӕ уӕддӕр махӕн нӕ хъул сах бады: бынтон къӕйных, кӕнӕ ӕгӕр ӕнӕсӕттонтӕ нӕ уынгты тыхӕй нӕ уромынц, нӕ хӕдзӕртты дуӕрттӕ ӕмӕ рудзгуытӕ нын нӕ хойынц ӕмӕ нӕ къуыммӕ нӕ тӕрынц сӕ уырнынадыл сын сразы уӕм, ахӕм домӕнимӕ… Æрмӕст – «ды Хуыцауыл ӕууӕндыс»… ӕмӕ райдайынц дарддӕр…

«Иеговӕйы Æвдисӕнты» уырнынад адӕмӕн удуӕлдайӕ чи хъары, уыдоны ахуыр кӕнынц, адӕмы сӕхи ‘рдӕм куыд раздахой ӕмӕ цы уырнынадыл хӕст сты, ууыл сӕхи куыд атигъ кӕной уыдӕттыл, ӕмӕ сӕ коммӕ чи нӕ кӕсы, уыдон та, ӕгӕрыстӕмӕй, ӕввахс хиуӕттӕ ӕмӕ хӕлӕрттӕ дӕр, нымад ӕрцӕудзысты «сатанайӕн лӕггад-гӕнджытыл». Цыфӕнды ӕндӕр уырнынад дӕр сын у мӕнг ӕмӕ адӕмы кӕны сатанамӕ – растӕндӕр уый у сектанттӕн сӕ сӕйраг тезис.

Æцӕг уырнынад ис ӕрмӕстдӕр уыдонӕн, ӕмӕ «Иеговӕйы Æвдисӕнты» культӕн коммӕгӕс табугӕнджытӕ разӕнгардӕй цайдагъ кӕнынц сӕ мыхуырон продукци журналтӕ чингуытӕ ӕмӕ культон атрибутикӕ ӕлхӕныныл, кӕнӕ дӕ райсдзысты, йӕ уидӕгтӕ Америкӕйы Иугонд Штатты кӕмӕн сты ӕмӕ уырдыгӕй чи къухдариуӕгад кӕны, уыцы «организацийы хӕрдзтӕн» ӕрвылкъуырион хӕрзаудындзинады хуызы фӕрӕзтӕ.

Иеговистты уырнынад у тынг ныхмӕвӕрдтимӕ, уыдон ницӕй тыххӕй растыл нӕ нымайынц «туг радтын», ӕгӕрыстӕмӕй, уый искӕмӕн йӕ цард ирвӕзынгӕнӕн фӕрӕз куы уа, уӕддӕр. Афтӕмӕй та культы уӕнгтӕ Хуыцауы Фыртыл кӕй нымайынц, уый – Иесойы Чырысти, дзырдта: «Ма амар», кӕцы нысан кӕны, куыд дӕхи, афтӕ ӕввахс адӕймагӕн дӕр марыны бар кӕй нӕй, уый. Æмӕ мӕлӕтӕй тас кӕмӕн вӕййы, ахӕмтӕн туг ма радтыны цаутӕ иу ӕмӕ дыууӕ хатты нӕ уыд. Зӕгъӕм, 1996 азы Латвийы бирӕ туг фесафыны фӕстиуӕгӕн рынчындоны амард «Иеговӕйы Æвдисӕнты» сектӕйы ӕнувыд уӕнг 17 аздзыд уырыссаг чызг, йӕ мад-иеговисткӕ йын туг радтын кӕй нӕ бауагъта, уый аххосӕй, уымӕн ӕмӕ сӕ уырнынад у туг радтыны ныхмӕ.

Ацы сектӕйы архайджытӕй туг радтын ма бауадзыны тыххӕй амӕлыны цаутӕ дунейы бирӕ ӕрцыд регистрацигонд. 2011 азы июлы мӕйы Ростовы областы ныййарджытӕ-иеговисттӕ нӕ бауагътой сӕ 14 аздзыд фырт Антон Панченкойы мӕлӕтӕй фервӕзын кӕнын. Уый бахауд автокатастрофӕйы, асаст йӕ син, ныскъуыдтӕ сты йӕ тъӕнгтӕ ӕмӕ йӕ фарсылӕвзаг, йӕ рӕуджытӕ, фенкъуыст йӕ сӕрымагъз. Йӕ уд исыныл чи архайдта, уыцы Антонӕн экстреннон ӕгъдауӕй хъуыд туг радтын, фӕлӕ йӕ ныййарджытӕ цӕхгӕр ныллӕуыдысты уыцы процедурӕйы ныхмӕ, сӕ уырнынад сын уый бар кӕй нӕ лӕвӕрдта, уымӕ гӕсгӕ. Фӕлӕ уӕддӕр дохтыртӕ сӕ фӕнд акодтой ӕмӕ лӕппуйӕн радтой туг. 2010 азы фӕдагурӕн комитет уголовон хъуыддаг бакодта 50-аздзыд мӕскуыйаг сылгоймагыл: динон ӕхсӕнад «Иеговӕйы Æвдисӕнты» уӕнг йӕ 10-аздзыд фыртӕн нӕ бауагъта туг радтын. Медиктӕн тӕрхондоны рахӕсгӕ уынаффӕмӕ гӕсгӕ сӕ бон бацис цардӕй мӕлӕты ‘хсӕн бахауӕг сабийӕн туг радтын, фӕлӕ уӕдмӕ байрӕджы – лӕппу амард.

Арӕх вӕййы ахӕм цаутӕ дӕр, «ӕфсымӕрдзинадӕн» стыр лӕвӕрдтӕ куы бакӕнынц ӕмӕ фӕдзӕхстмӕ гӕсгӕ бынтӕ куы ныууадзынц, кӕцытӕ, бындуронӕй, бакӕнынц ацӕргӕ, зӕронд адӕймӕгтӕ, сӕ адзал кӕй ӕрхӕццӕ кӕны, уый куы бамбарынц, уӕд, ӕмӕ сӕ бафӕнды Хуыцауыл тынгдӕр баууӕндын. Ӕмӕ уый сӕ къух аразы культы разамонджытӕн, кӕцытӕ ӕлгъ нӕ кӕнынц сектӕты сконды уӕвӕг зӕрдӕты духовон лӕмӕгъдзинад ӕмӕ уӕззау уавӕрӕй спайда кӕныныл. Уымӕй уӕлдай иеговистты ӕрыгон табугӕнджыты кӕнынц ӕнӕзмӕлгӕ исады ног объектты арӕзтадон куыстытӕм, ӕнӕхъӕн кусгӕ боны режимы бындурыл, кӕнӕ техникон персоналӕн лӕггадгӕнджыты хуызы, фылдӕр маамӕлайы къӕбӕры фаг мыздыл.

«Иеговӕйы Æвдисӕнты» культ регистрацигонд ӕрцыд куыд «ӕнӕкоммерцион организаци», афтӕ, ӕмӕ сын уый фадат дӕтты паддзахадӕн –  АИШ-ӕн къаддӕр фиддонтӕ фидынӕн. Ахӕм хуызы саразӕн ис хатдзӕг, «Иеговӕйы Æвдисӕнтӕ» сӕ нысаниуӕгмӕ гӕсгӕ кӕй сты, динон статусы аууон ӕмбӕхсӕг бирӕпрофилон экстремистон коммерцион структурӕ.

Зӕрдыл ӕрлӕууын кӕнын ӕмбӕлы, «Иеговӕйы Æвдисӕнтӕ» Уӕрӕсейы Федерацийы территорийыл нымад кӕй ӕрцыдысты экстремистон организацийыл, 2002 азы 25 июлы райстӕрцӕуӕг «Экстремистон архайды ныхмӕ лӕууыны тыххӕй» №114-ФЗ федералон закъоны бындурыл. Уымӕ гӕсгӕ культы фӕдонтӕ архайынц динон фыдӕхдзинад тауыныл, сӕхи уӕлбикъондзинад бӕрзонд ӕвӕргӕйӕ ӕмӕ семӕ чи нӕ уа, ахӕмтӕ цы диныл хӕст сты кӕнӕ сын динмӕ цы ахаст ис, уымӕ гӕсгӕ сӕ ни-цӕйаджы бынаты ӕвӕрыныл:

халынц адӕймаг ӕмӕ ӕмбӕстаджы бартӕ, сӕрибардзинад ӕмӕ закъонон интерестӕ цы диныл хӕст сты кӕнӕ сын динмӕ цы ахаст ис, уымӕ гӕсгӕ;

массон ӕгъдауӕй парахат кӕнынц экстремистон ӕрмӕджытӕ, ӕмӕ уый ӕмрӕстӕджы архайынц сӕ цӕттӕ кӕныныл, ӕфснайын ӕмӕ парахат кӕныныл.

Афтӕ ма, фӕдагуырды бындурыл «Иеговӕйы Æвдисӕнтӕ» аххосджын цӕуынц ахӕм статьяйӕ №282.2 УФ УК, 13.06.1996 аз. Динон экстремистон баиугӕнды архайд организаци кӕнын, уыцы дин парахат кӕнын,  тыхӕй хъарын кӕнӕ адӕймӕгты ӕнӕзакъонон организацийы архайды хайад исын кӕныны тыххӕй.

Куыдфӕндыйӕ дӕр иеговистты культы змӕлд парахат у ӕнӕхъӕн дунейыл ӕмӕ сӕ рӕнхъыты сты алыгъуызон адӕймӕгтӕ, ӕгӕрыстӕмӕй ахӕмтӕ дӕр, кӕцытӕн сӕ кой скӕнын хъӕуы сӕрмагондӕй. Зӕгъӕм:

«Иеговӕйы Æвдисӕн» Питер Сатклифф – иууыл зындгонддӕр бритайнаг серион лӕгмар, зындгонд ма у куыд «Йорк-ширский Потрошитель», афтӕ йӕ схуыдтой прессӕйы 1975 ӕй 1981 азмӕ. Тӕрхонгӕнджыты рахӕсгӕ вердиктмӕ гӕсгӕ, уый сырдон ӕгъдауӕй, ӕппынкъаддӕр, амардта 13 сылгоймаджы.

15 азы йыл куы сӕххӕст, уӕд ныууагъта йӕ ахуыр ӕмӕ кусын рай-дыдта уӕлмӕрды, цыран йӕ зӕрдӕмӕ тынг фӕцыд мӕрдтӕй зынаргъ дзаумӕттӕ исын ӕмӕ ӕфтауын. Цалдӕр азы фӕстӕ уый цыма растӕндӕр ингӕнӕй фехъуыста Хуыцауы сидт, цӕмӕй дуне асыгъдӕг кӕна къахбайтӕй. Шизофренийӕ рынчын чи уыд, ахӕм сылгоймагимӕ цӕргӕйӕ Сатклифф йӕ амӕттӕгты мардта дзӕбугӕй, сӕ буӕрттӕ-иу сын ӕнӕзӕрдӕмӕдзӕугӕ скӕнгӕйӕ ӕмӕ уый фӕстӕ семӕ ӕрдон митӕ бакӕнгӕйӕ… Йӕ амӕттӕгты нымӕц куыд фылдӕр кодта, афтӕ кодта ӕгъатырӕй ӕгъатырдӕр. Иууыл тӕссагдӕр фыдгӕнӕгыл нымад ӕрцыд, бынтондӕр къахбайдзинадӕй кӕмӕ ницы уыд, ахӕм 16-аздзыд чызджы куы амардта ӕмӕ йын фыдмитӕ куы бакодта, уӕд.

1981 азы ӕрцахстой серион лӕгмары ӕмӕ йын рахастой 20 хатты цӕрӕнбонтӕм ахӕстоны фӕбадыны тӕрхон. Ахӕстоны бадгӕйӕ иу ӕмӕ дыууӕ хатты нӕ баййӕфта карз ӕфхӕрд йемӕ цы ахӕстӕттӕ бадт, уыдонӕй. Практикон ӕгъдауӕй-иу алы аз дæр раргом ног факттӕ лӕгмары амӕттӕгты тыххӕй. Æмӕ уал абоны онг йӕ амӕттӕгтӕм бафтыд ноджыдӕр 17 адӕймаджы. 2015 азы информацион фӕрӕзтӕ куыд фехъусын кодтой, афтӕмӕй «Йоркширский Потрошитель» карз режимы рынчындоны хицӕн палатӕйы дзуарӕфтыд ӕрцыд куыд «Иеговӕйы Æвдисӕн», афтӕ.

«Иеговӕйы Æвдисӕн» Фредерик Маклин – Америкӕйы иууыл тӕссагдӕр педофил, кӕцы тыхми бакодта, йӕхӕдӕг кӕй уӕнг уыд, уыцы «Иеговӕйы Æвдисӕнты» уӕнгты дӕсгай сывӕллӕттӕн 3 азӕй 12 азы кары онг. Цымыдисаг уый у, ӕмӕ ацы змӕлды разамонджытӕ зыдтой, се ‘хсӕн кӕй ис 25 азон стажимӕ педофил, фӕлӕ се змӕлды уӕвӕг ныййарджыты никуы бафӕдзӕхстой уый тыххӕй…

«Иеговӕйы Æвдисӕн» Делрой Грант – зындгонд бритайнаг серион маняк. Полицийы зонӕнтӕм гӕсгӕ 1991 азӕй 2009 азмӕ уый тыхми бакодта 1000 бӕрц ацӕргӕ сылгоймæгтӕн. Фӕлӕ тӕрхондоны «Иеговӕйы Æвдисӕн» аххосджын  ӕрцыд ӕрмӕстдӕр сӕдӕйы бӕрц «урсцъар» ацӕргӕ сылгоймæгтӕн (68 аздзыдӕй 93 аздзыды онг) тыхми бакӕныны тыххӕй, иннӕ амӕттӕгтӕй чи тӕрсгӕ фӕкодта, чи та зӕрдӕскъуыд фӕцис, тыхмийы рӕстӕджы бавзаргӕ тасдзинады фӕстиуӕгӕн.

«Иеговӕйы Æвдисӕнтӕ» ӕмкъӕйттӕ Филипп и Нэнси Гарридо нымад ӕрцыдысты Америкӕйы иууыл тӕссагдӕр тыхмигӕнджытыл. 1991 азы уыдон адавтой 11-аздзыд чызг Джейси Дугарды ӕмӕ йӕ уацары дардтой 18 азы. Уыцы азты уый ӕвзӕрста тыхмитӕ ӕмӕ йын райгуырд дыууӕ чызджы. Гарридо 2011 азы ӕрлӕууыд тӕрхондоны раз ӕмӕ йын рахастӕуыд  431 азы ахӕстоны фӕбадыны тӕрхон.

Ахӕмтӕ, ома «Иеговӕ» дӕ фарсмӕ куы уа, уӕд хъуамӕ ахъуыды кӕнай дӕхи ӕмӕ дӕ кӕстӕрты хъысмӕтыл. Ахӕмтӕ уӕлдай нымаддӕр сты сӕ америкӕйаг бодзтӕм. Растӕндӕр ахӕмты ӕрвитынц ӕндӕр ӕмӕ ӕндӕр бӕстӕтӕм, цӕмӕй ӕгъатырдӕр уой, ӕгоммӕгӕс адӕмы сæхирдӕм раздахыныл кусгӕйӕ.

Уымӕ гӕсгӕ хъуамӕ уӕм уӕлдай цырддзастдӕр,  критикондӕр цӕстӕнгасӕй кӕсын хъӕуы иу кӕнӕ иннӕ динон ӕмӕхсӕнадмӕ бацӕуыны фарстмӕ, ӕмӕ алы хатт дӕр хъуыды кӕнын хъӕуы ууыл, гӕнӕн кӕй ис, цӕмӕй бахауай дины  уацары кӕнӕ уголовон статьяйы бын.