Сывæллæтты сфæлдыстады галуаны гом æрцыд Президентон назбæлас.
Президентон назбæлас гом кæнынмæ æрбацыдысты Ахуырад æмæ зонады министры хæстæ æххæстгæнæг Гасситы Натали, Культурæйы министры хæстæ æххæстгæнæг Зассеты Жаннæ, æндæр официалон адæймæгтæ.
Сывæллæтты сфæлдыстады галуаны хъомылгæнджытæ бацæттæ кодтой бæрæгбонон программæ, цыран сывæллæтты раз ралæууыдысты аргъæутты персонажты хуызы. Зæрдæскъæф театралон равдыст чысыл сценæмæкæсджыты ахаста кæлæнгæнæг æмæ аргъæутты дунемæ, цыран хорздзинады тыхтæ алыхатт дæр фæуæлахиз вæййынц æвзæрдзинады тыхтыл.
Президент Бибылты Анатоли раарфæ кодта сывæллæттæн Ног азы цытæн. Уый сæм æрсидт, цæмæй уой коммæгæс æмæ сæ ныййарджыты зæрдæтæ рухс кæной.
«Мæ цæст уын уарзы сабырад, хорздзинад æмæ мидбылхудт! Ног азы хорзæх уæ уæд!», – загъта паддзахады сæргълæууæг.
Comments are closed, but trackbacks and pingbacks are open.