Республикæ Хуссар Ирыстоны Хицауады Сæрдар Пухаты Эрик æмæ йæ хæдивæг, Экономикон рæзты министр Бекъойты Геннади бабæрæг кодтой агуыридур уадзæн куыстуат, кæцы ис завод «Эмальпровод»-ы территорийыл.
Хуссар Ирыстоны инвестицион уавæр фæхуыздæр кæныны нысанæн республикæйы къухдариуагд дарддæр дæр æххуыс кæны ахæм амалиуæггæнджытæн, кæцытæ Хуссар Ирыстоны æххæст кæнынц инвестицион проекттæ.
Бекъойты Геннадийы ныхæстæм гæсгæ, Республикæйы æмæ Экономикон рæзты министрады къухадариуæгад æппæт уыдонæн кæнынц æппæтварсон æххуыс льготон ставкæты хуызы æфтиагы æмæ исады тыххæй хъалон бафидынæн, афтæ ма капиталон бавæрдтыты, кредиты фæдыл процентон ставкæ бафидыны, æлхæд ифтонгадæн йæ аргъы иу хай бафидыны æмæ æндæр хуызы дæр.
«Реализаци æрцыд радон инвестицон проект агуыридур уадзыны фæдыл, кæцы абоны бон у тынг актуалон нæ æндидзгæ республикæйæн», – банысан кодта Бекъойты Геннади.
Амалиуæгад «Цхинвалы агуыридуруадзæн завод»-ы директор Бестауты Инал куыд банысан кодта, афтæмæй заводы архайы уадзгæ продукцийы гъæд контроль кæныны системæ æппæт домæнтæм гæсгæ.
«Мах балхæдтам ифтонгад æмæ райдыдтам арæзтадон агуыри уадзын. Нырма уал рауагъдтам фæлварæн парти, кæцыйæн йæ гъæд дзуапп дæтты æппæт домæнтæн. Продукци уагъд цæуы æрмæстдæр бынæттон хомысæй. Кондад æххæст хъомысæй куы скуса, уæд махæн нæ бон суыдзæн мæйы мидæг 200 мин агуыридурæй фылдæр уадзын», – загъта фирмæйы директор.
Куыстуаты арæзт æрцыд 10 кусæгон бынаты бæрц, дарддæр та план кæнæм 20 адæймаджы онг райсын.
Заводы архайдимæ базонгæуæвгæйæ, Пухаты Эрик ныхас кодта куыстуаты къухдариуæгадимæ æмæ саргъ кодта цæттæ продукцийы гъæдæн. Хицауады сæргълæууæг куыд банысан кодта, афтæмæй уый у ахсджиаг æмæ хъæугæ куыстуат республикæйæн, кæцы æмбæстæгты ифтонг кæны кусæгон бынæттæй.
«Агуыридуры фыццаг парти йæ гъæдмæ гæсгæ у, республикæмæ кæй ласынц, уый хуызæн. Мах бахæс кæндзыстæм организациты къухдариуæггæнджытæн, кæцытæ архайынц арæзтадон-цалцæггæнæн куыстыты, цæмæй фыццаг рады æлхæной бынæттон продукци», – банысан кодта Пухаты Эрик.
Comments are closed, but trackbacks and pingbacks are open.