10-15-æм февралмæ Мæскуыйы уагъд цæудзæн УФ-йы сæудæджерадон палатæйы хъæппæрисæй 27-æм æхсæнадæмон армукъа «Продэкспо-2020». Уырдæм хуынд æрцыд Хуссар Ирыстон дæр. Армукъайы æвдыст æрцæудзысты минералон дон «Бæгъиат» æмæ Хуссар Ирыстоны сæнаразджыты продукцийы хуызтæ. Хицауады пресс-службæйы куыд зæгъынц, афтæмæй ацы равдысты Хуссар Ирыстон хайад иста ивгъуыд аз дæр. Уæд, сæнуадзæн заводы продукцийæн, равдысты уыд æнтыст. Заводы къухдариуæгад сарæзта цалдæр бæстæимæ бадзырдтæ. Армукъайы хайад цы бизнес-ассоциацитæ æмæ амалиуæггæнджытæ райстой, уыдон зæрдæмæ фæцыд нæ минералон дон «Бæгъиат» дæр. Æввахс фæсарæйнаг бæстæтæй цалдæр заводы къухдариуæгадимæ къухтæ æрфыстой бадзырдыл æмæ афæдзы дæргъы кодтой æмгуыст.
Æхсæнадæмон армукъа «Продэкспо – 2020» у æрвылазон равдыст. Ам æвдыст æрцæуынц æрхуынд бæстæты хæлцадон продукттæ æмæ нозты хуыздæр хуызтæ. Ацы аз арму-къамæ хуынд æрцыдысты 70 бæстæйы минæвæрттæ. Армукъайы хайад райсынæн æрмæстдæр продукци ауæй кæныны нысаниуæг нæй. Ам ма ныхас фæцæуы бæстæты хæла-радон ахастдзинæдтыл, базарад ра-уæрæх кæныны фарстатыл, инвестортæ æрбахоныны сегменты потенциал равдисыныл дæр.
«Продэкспо»-йы тыгъдады продукци бавдисæг æмæ æлхæнæгæн сæ бон у бадзырды руаджы кæрæдзийы брендон продукттæ æлхæнын – æмæ реализаци кæныны тыххæй контрактыл къухтæ æрфыссын.
Ацы аз армукъайы сæны æмæ доны продукци бавдисдзысты 30 бæстæйы бæрц. Се ‘хсæн сты Казахстан, Беларусь, Турци. Литва, Латви, Эстони. Æмткæй «Продэспо – 2020»-ы уыдзæн 2.600 хайадисæджы.
Сæнуадзæн завод «Ирон сæн»-ы директор Алексей Цапаев куыд зæгъы, афтæмæй уыдон ацы аз сæ продукцийы хуызтæй бавдисдзысты æртæ афтæ ма æрæджы цы коньяк уадзын райдыдтой, уый дæр. Ныфс сæ ис, сæ сæнтæ «Продэкспо»-йы цымыдисдзинад кæй сæвзæрын кæндзысты ам хайадисæг бæстæты минæвæрттæм. Уымæн æмæ заводы сæнтæ цы форумты равдыстыты, уыдысты, уым кæддæриддæр бацахсынц призон бынæттæ.
УАЗÆГТЫ Марфа
Comments are closed, but trackbacks and pingbacks are open.