Дыууæ азы фæстæ та ногæй помостмæ рахызт хуссарирыстойнаг спортсмен Икъаты Сæрмæт æмæ та йæ къухты бафтыд уæлахиз.  Сæрмæт хайад райста пауэрлифтингæй Мæскуыйы Гом Кубокы. Уымæн аккаг ныхмæлæууæг нæ разынд 125 кг уæзы категорийы. Троеборье кæй хонынц, уым (æртæ дисциплинæйы) равдыста 755 кг бæрæггæнæн. Тренер Плиты Артур куыд хъусын кæны, афтæмæй Сæрмæт ерысты фæуæлахизуæвгæйæ, райста Уæрæсейы чемпионаты хайад райсыны бар. Артур ма куыд загъта, афтæмæй бузныг сты Президент Гаглойты Аланæй ерыстæм ацæуынæн сын кæй баххуыс кодта, уый тыххæй.

 

АРМСПОРТ

Пауэрлифтинг

Хуссарирыстойнаг армхæцæг Дыгъуызты Малхаз ссис æнцойгæнæн-змæлæн аппарат (ПОДА) хъыгдард кæмæн у, уыцы спортсменты ‘хсæн Уæрæсейы чемпион. Ерыстæ уагъд цыдысты горæт Орелы. Малхаз сыгъзæрин майданы хицау ссис 75+ кг (PID). Чемпионаты ма ирон спортсментæй фæуæлахиз Цъæхилты Грэф (PIUH, 85+ кг).

Æвзист призертæ та систы Мæлдзыгаты Алинæ (PID, 65+ кг), Хъамболаты Артур (PIU, 60 кг), Гæбæраты Михаил  (PIU, 70 кг) æмæ Хабæты Сослан (PIU, 80 кг).

ХУРИТЫ Батрадз

Ацы æрмæджытæ дæр бакæс:

Default Thumbnail2020 азы спортивон æнтыстытæ Ироны æнтыст Ирыстоны тырысаимæ Default Thumbnail2019 азы спортивон цаутыл афæлгæст Ссис Европæйы чемпион 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.