Республикæ Хуссар Ирыстоны Президент Бибылты Анатоли раарфæ кодта Республикæ Хуссар Ирыстоны Æдасдзинады паддзахадон комитеты кусджытæн Æдасдзинады органты кусæджы боны цытæн.
Президент Æдасдзинады паддзахадон комитеты фембæлд комитеты къухдариуæгад æмæ сæрмагонд скондимæ.
Уый банысан кодта, абоны бæрæгбон алы кусæгæн дæр кæй у профессионализмы, патриотизмы, Райгуырæн бæстæмæ уарзондзинады бæрæгбон.
«Æдасдзинады паддзахадон комитеты рæнхъыты службæ кæнынц кадджын, бæрнджын, профессионалон адæм. Уый уын дзурын республикæйы адæмы номæй. Сымах Республикæ Хуссар Ирыстоны æдасдзинад кæй ифтонг кæнут æмæ уын кæй ис серьезон æнтыстытæ, ууыл дызæрдыг ничи кæны», – загъта Президент.
Уый зæрдыл æрлæууын кодта, раздæр азты Гуырдзыстон терроризм паддзахадон æмвæзадмæ куы рахаста, уæд Хуссар Ирыстоны рæмыгътой машинæтæ, телефонтæ, хъазæнтæ. Уæд, растдæр Æдасдзинады паддзахадон комитеты куысты æмæ Уæрæсейы Федерацийы коллегæтимæ æмархайды фæрцы æппæт террористон акттæ дæр æрцыдысты æргом».
«Абоны бон уæ разы цы хæстæ лæууынц, уыдон сты ахсджиаг. Уæ уæхсджытыл æрмæст контрразвæдсгæрсты архайды фæлгæтты хæстæ нæ лæууынц. Уыдон сты экономикон æдасдзинад, мидæггагон фæткы хæстæ. Сымах ифтонг кæнут арæнты æдасдзинад, æвдисут профессионализм æмæ хъæддыхдзинад, провокациты æргом кæнут, тасдзинæдтæ нейтрализаци кæнут», – банысан кодта Бибылты Анатоли.
Йæ цæст бауарзта Æдасдзинады паддзахадон комитеты кусджытæ æмæ ветерантæн сабырад æмæ фæрныгад.
Æдасдзинады паддзахадон комитеты сæрдар Олег Ширан йæ дæлбаруæвæг службæгæнджытæм æрсидгæйæ, банысан кодта, ног азы Президент кæй æнхъæлмæ кæсы Æдасдзинады паддзахадон комитеты архайды æппæт здæхтыты фæдыл эффективондзинадмæ.
Уый зæрдыл æрлæууын кодта, Республикæ Хуссар Ирыстоны специалон службæты ныхмæ хуссар стратегион здæхты кæй лæууынц хорз ахуыр, цæтттæ, циникон æмæ карз ныхмæлæууæг знæгтæ: АИШ-ы, НАТО-йы развæдсгарджытæ, тбилисаг режимы дæлконтролон органтæ. Ацы уавæрты Æдасдзинады паддзахадон комитеты кусджытыл æвæрд цæуынц бæрзонд домæнтæ».
Æдасдзинады паддзахадон комитеты кусджытæн ма раарфæ кодта Республикæ Хуссар Ирыстоны Мидæггагон развæдсгæрсты службæйы къухдариуæггæнæг Уарзиаты Алексей, Хуссар Ирыстоны Уæрæсейы Æдасдзинады паддзахадон комитеты арæнгæрон управленийы хистæр Владимир Щемелинин.
Comments are closed, but trackbacks and pingbacks are open.