Цæгат Ирыстоны адæмон артист Галаоты Анатолийы æвæрд Плиты Христафоры оперæ «Къоста», ссис уæрæсейаг Национ оперон преми «Онегин»-ы хицау. Организацион комитеты информацион портал куыд хъусын кæны, уымæ гæсгæ III-аг Национ оперон преми «Онегин»-ы радтыны цытджын церемони уагъд æрцыд Санкт-Петербурджы Михаилы театры сценæйыл.
Премийы хайадисджыты æмæ уазджыты гала-концерты церемони, цыран хайад райстой дунеон оперæйы зынгæ стъалытæ, куыд Руджеро Раймонди, Джиоты Вероникæ, Патриция Чьофи, Екатерина Губанова, Ольга Перетятько, Василиса Бержанская, Дмитрий Ульянов, Сергей Мурзаев, ацыдис аншлагимæ.
Хорзæхтæ дæттыны цытджын церемонимæ æрбацыд УФ-йы Культурæйы министр Владимир Мединский. Ацы аз премийы организацион комитет бакуыста оперон театртæй куырдиæтты рекордон нымæцыл. Конкурсон номинациты хайад райстой 80 зарæггæнæджы Уæрæсейы 30 театрæй.
Галаоты Анатолийы æвæрд оперæ «Къоста», кæцыйы премьерæ ацы аз РЦИ-Аланийы оперæ æмæ балеты национ паддзахадон театры ацыд стыр æнтыстимæ, райста «Онегин»-ы преми «Цауы» номинацийы.
Оперæйы архайынц Марияйы театры цæгатирыстойнаг филиалы оперон труп-пæйы солисттæ æмæ хор, æвзонг оперон зарæггæнджыты солистты ансамбль æмæ Гугкаты Зауырбеджы къухдариуæгады бын Марияйы театры симфонион оркестр. Сæйраг партийы ралæууыд Павел Лисицианы номыл вокалистты 5-æм дунеон конкурсы уæлахиздзау (Дзæуджыхъæу, 2017 аз), ГИТИС-ы музыкалон театры студент Дулаты Дзамбулат.
«Къоста» у фыццаг национ оперæ, кæцыйы ныффыста ирон композитор Плиты Христафор ирон адæмы зынгæ минæвар, поэт, æхсæнадон архайæг Хетæгкаты Къостайы райгуырды 100 азы бонмæ. Либреттойы поэты цардæй цаутæ кæрæдзийы ивынц йе сфæлдыстады мотивтимæ – оперæйы зæлынц, Галаоты Анатоли ирон æвзагыл кæй æххæст кæны, Къостайы уыцы æмдзæвгæтæ.
Comments are closed, but trackbacks and pingbacks are open.