Ацы бонты Цæгат Ирыстоны Парламент сфидар кодта ног закъоны проект. Уыцы за-къонмæ гæсгæ нырæй фæстæмæ ирон æрмдæсныйады культурæмæ аккаг æвæрæн чи бахаста, уыдонæн лæвæрд цæудзæн кадджын ном «Заслуженный мастер народных художественных промыслов РСО-Алания», зæгъгæ. Кадджын номы аккаг хъуамæ уой ахæмтæ, кæцытæ бирæ сарæзтой национ хæзнатæ аразын æмæ бахъахъхъæныны хъуыддаджы, сæ куыстыты равдыстой ирон цæсгом, традицитæ, ирондзинад алывæрсыгæй. Уыцы куыстытæ сты ирон чызджытæ æмæ лæппутæ национ дзаумæтты, хъæдæрмæг æмæ авгæй конд вазæтæ, сылгоймаджы аивгæнæнтæ, хæцæнгæрзтæ æмæ бирæ æндæр национ сувениртæ. Ног хæрзиуæг кæмæн æмæ цы уавæрты дæттын хъæудзæн, уый скъуыддзаг кæндзæн республикæйы Сæргълæууæг.
Бафиппайын хъæуы уый, æмæ фæстаг рæстæг культурæйы ацы къабазмæ стыр æргом здæхт кæй цæуы. Æрмдæсныйады куыст чи кæны, уыдонæн рагæй фæстæмæ бæлвырд бынат никуы уыди. Ныр сын æрæджы республикæйы разамынд рахицæн кодта завод «Бином»-ы раздæры бæстыхай. Арæзт дзы æрцыд æппæт уавæртæ дæр.
ТУРИЗМ – ФÆРНЫГАДЫ ГУЫРÆН
Паддзахадон Думæйы депутат Гæззаты Валери республикæйы Сæргълæууæг Битарты Вячеславимæ сæ фембæлды рæстæджы куыд банысан кодта, афтæмæй Цæгат Ирыстонæн ис æппæт гæнæнтæ дæр, цæмæй суа сæйраг туристон регионтæй иу. Куыд банысан кодта, афтæмæй республикæйæн стыр æнтыстытæ ис социалон-экономикон къабазы адæмы царды æмвæзад фæхуыздæр кæныны хъуыддаджы. Уыдонимæ Зæрæмæджы гидроэлектростанцæйы байгом, фæндæгты арæзтад, культурæйы уагдæтты цалцæг, «Мамысон»-ы арæзтад æмæ бирæ æндæртæ. Æппæт уыдон сты туристы æргом раздахынæн ахсджиаг мадзæлттæ.
Депутаты хъуыдымæ гæсгæ, санаторион-курортон комплексы динамикон рæзт республикæйы, стæй этнокультурон проекттæ æмæ программæтæн сæ бон у æмæ регионæй саразой иууыл стырдæр æмæ аивдæр туристон бынæттæй иу.
«Нациты ‘хсæн ахастдзинæдтæ комкоммæ кæнгæ сты адæмы социалон-экономикон фæрныгадæй аразгæ. Уый тыххæй Цæгат Кавказы регионты иумæйаг рæзтæн æппæт уавæртæ дæр аразы Уæрæсейы разамынд.
Нæ уацх.
Comments are closed, but trackbacks and pingbacks are open.