Ног азы бæрæгбоныл иууыл тынгдæр фæцин кæнынц сабитæ æмæ йыл алы хатт дæр сæмбæлынц цины æнкъарæнтимæ. Уымæ та сæ баразæнгард кæнынц, кæм ахуыр кæнынц, уыцы уагдæтты хъомылгæнджытæ-ахуыргæнджытæ. Ахæм куыст æнкъардæуыд развæлгъау Цхинвалы районы иумиагахуырадон скъолаты дæр. Райадминистрацийы фæсивæды хъуыддæгты фæдыл хайад Козаты Олегы разамындæй хорз бакуыста скъолаты организатортæ æмæ ахуыргæнджытимæ, уыдон та сæхи рады ахуырдзаутимæ кодтой цæттæгæнæн куыст. Козайы фырт куыд радзырдта, уымæ гæсгæ скъолаты назбæлæстæ сфæлындздзысты алыгъуызон хъазæнтæй, сæ алыварс зардзысты хъæлдзæг бæрæгбонон зарджытæ ирон æмæ уырыссаг æвзæгтыл, кафджыты къордтæ мадзæлтты хайадисджыты бахъæлдзæг кæндзысты цымыдисон кæфтытæй. Нæ сæ фæхъыг кæндзысты Митын Дада æмæ Митын Чызг дæр æмæ сын арфæйы хуызы бакæндзысты лæвæрттæ.
ХУЫБИАТЫ Никъала
Comments are closed, but trackbacks and pingbacks are open.