Монголийы  Мунку-Сардыкы хохыл æрсагътой Ирыстон æмæ Донецкы тырысатæ

Донецкы Адæмон Республикæйы  æхсæннацион æхсæнадон организаци «Землячество Алании»-йы сæргълæууæг, Адæмон советы депутаты æххуысгæнæг Бæззаты Еленæ нын куыд хъусын кæны, афтæмæй Монголийы Мунку-Сардыкы хохыл (йæ бæрзæнд 3491 метры) æрсагътой Ирыстон æмæ Донецкы паддзахадон тырысатæ.

16-æм июны Донецкы Адæмон Республикæйы спортсменты къорд спортивон гимнастикæйæ Уæрæсейы Федерацийы спорты мастер Бæззаты Александры сæргълæудæй ацыдысты Монголимæ. 18-æм июны ты спортсментæ схызтысты Скæсæн Саяны иууыл бæрзонддæр бæрзæнд Мунку-Сардыкы хохмæ. Хохмæ схизыны хайад истой Донецкы æвзонг спортсментæ спорты ахæм хуызтæй: спортивон гимнасттæ, дугъгæнджытæ, триатлоны дæснытæ, хъæбысцджытæ æмæ æндæртæ.

Бæззаты Еленæ нын куыд радзырдта, афтæмæй хохмæ схызт тырысатæ æрсадзыны проект реализаци æрцыдисы президентон грант «Мосты Дружбы»-йы программæйы фæлгæты. «Программæйы организатор у Иркутскы областон организаци Хæххон клуб «Байкал» (йæ сæрдар Скаллер Григорий) Донецкы æхсæннацион æхсæнадон организаци «Землячество Алании»- имæ иумæ.

Донецкы Адæмон Республикæйы Фæсивæд, спорт æмæ туризмы министрад равзæрста спортсменты къорд Байкалмæ ацæуыны æмæ Монголимæ ахизыны  программæйы хайад райсыны тыххæй.

Банысан кæнын хъæуы уый дæр, æмæ Иркутскы областон æхсæнадон организаци Хæххон клуб «Байкал» йæ сæрдар Григорий Скаллер сæргълæудæй 2023 азы февралы мæйы рамбылдта Президентон грант адæмон дипломатийы программæ «Мосты Дружбы»-йы фæлгæты. Программæйы партнертæй сæ иу ссис «Землячество Алании». Йæ нысан у фронтон Петроваг районæй сывæллæтты æнæниздзинад сфидар кæнын, афтæ ма Монголийы æхсæнадæмон слеты хайад райсын. «Землячество Алании»-йæ дыууæ адæймаджы семæ уыдысты тренертæ-волонтерты хуызы. Диаспорæйæ ма дзы ноджы хайад райстой цыппар адæймаджы.

Уæрæсе æмæ Монголийы национ æхсæнадты ацы слет суыдзæн Уæрæсе æмæ Монголийы сывæллæтты ‘хсæн хæлардзинады хид. Донбасс у Уæрæсе, æмæ Уæрæсейы сывæллæттæ та сты Дунейы сывæллæттæ.

ДЖИОТЫЫ Екатерина