2017 азы Республикæ Хуссар Ирыстоны Хицауад райста «Мидхъуыддæгты органты кусджытæн æмæ сæ бинонтæн куысты стаж банымайыны, пенси снысан кæнын æмæ исыны тыххæй» уынаффæ.
Ацы уынаффæмæ гæсгæ стажмæ хаст цæуынц:
– милицийы службæйы, æфсæддон службæйы, рарастмæгæнæн-фæллойадон уагдоны, таможнæйы органты, паддзахадон зынгсирвæзты ныхмæйы, контролон-нымайæн палатæйы, фиддонон полицийы, прокуратурæ æмæ тæрхондоны куысты азтæ.
– гуырдзиаг-ирон конфликты зонæйы сабырдзинад бахъахъхъæныны фæдыл Æмхæццæ тыхты службæ 1992 азы 4 июлæй фæстæмæ.
Пенси уæлвæткон уавæрты, – иу мæй æртæ мæйы ныхмæ, нымад æмæ нысан цæуы:
– Афганистаны хæстон архайдтыты 1979 азы 1 декабрæй фæстæмæ хайад чи иста, уыдонæн.
– Чернобылы АЭС-ы аварийы ликвидаци кæныны 1986 азы 26 апрелæй 1987 азы 31 декабрмæ хайад чи иста, уыдонæн.
– 1992 азы 4 июлæй 1996 азы 1 январмæ уæлвæткон уавæрты рæстæджы гуырдзиаг-ирон конфликты хайад чи иста йе службæйы хæстæ æххæстгæнгæйæ, уыдонæн.
– 2004 азы 1 июнæй 2008 азы 30 сентябрмæ гуырдзиаг-ирон конфликты зонæйы мидхъуыддæгты органты службæйы, Уæл-вæткон уавæрты министрады, паддзахадон таможнæйы комитеты, контролон-нымайæн палатæйы, прокутатурæ æмæ тæрхондоны куысты рæстæг.
«Пенсийы бæрц конд у 3 хайæ: куысты бынат, специалон ном æмæ стаж» – зæгъы Мидхъуыддæгты министрады Пенсион ифтонгады центры хистæр, милицийы дæлбу-лкъон Кокойты Сæлимæт.
Пенсийы бæрц нымад цæуы, цы бон снысан кæнынц пенси, уыцы рæстæджы куысты мыздæй.
Æфсæддон службæ дæр хаст цæуы стажмæ.
Дыууæ кæнæ фылдæр бындур куы уа стаж банымайынæн, уæд нымад цæуы, фылдæр льготæтæ кæм уа, уыцы стаж.
Кокойты Сæлимæт куыд зæгъы, афтæмæй мидхъуыддæгты министрад 2016 азы пенсийы арвыста 60 адæймаджы, 2017 азы дæр – 60 адæймаджы æмæ 2018 азы та – 100 адæймаджы.
Гуырдзиаг-ирон конфликты рæстæджы мидхъуыддæгты органты кусджытæй йæ службæйон хæстæ æххæстгæнгæйæ чи фæмард, уыдон бинонтæн иугæндзон æххуыс бакæныны тыххæй фембæлдысты Мид-хъуыддæгты министр, милицийы инæлар Наниты Игорь æмæ бæстæйы Президент Бибылты Анатоли.
Скъуыддзаг æрцыд, цæмæй иугæндзон социалон æххуыс бачындæуа 50 зæрдæрыст бинонтæн 500 мин сомæй 1 милуан соммæ.
Наниты Игоры ныхæстæм гæсгæ, чи фæмардис, уыдоны хиуæттæн ныры онг сæ къухты не ‘фтыдис социалон æххуыс бакæнын æмæ бузныджы ныхæстæ загъта Президентæн ацы ахсджиаг фарст аскъуыддзаг кæныны йе ‘ххуысы тыххæй.
Фембæлды ма дзырд цыдис ведомствойы оптимизацийы фарстытыл, материалон-техникон ифтонгадыл æмæ мидхъуыддæгты органты кусджыты куыстмызд фæфылдæр кæныны тыххæй.
«Абоны бон оптимизацийы фыццаг æмæ дыккаг этаптæ фесты æмæ уый фæстиуæгæн фæфылдæр сты куыстмыздтæ», – загъта Наниты Игорь.
Comments are closed, but trackbacks and pingbacks are open.