5-æм сентябрæй 13-æм сентябрмæ Хуссар Ирыстоны территорийыл æрцыдис 2 фыдракæнды. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууæ адæймаджы.
Алыгъуызон бархалыны фӕдыл бӕрндзинадмӕ конд ӕрцыдис иу адӕймаг.
Фæндагон змæлды æдасдзинады инспекци къуырийы дæргъы сбæлвырд кодта 221 фæткхалæн цауы. Уыдонæй 4 уыдысты нозтджынæй машинæ скъæрыны цаутæ.
8 сентябры милициийы хайадмæ хъаст балæвæрдта «Остелеком»-ы генералон директор, кæцы фехъусын кодта, зæгъгæ, Цхинвалы районы ТЭК-ы уæвæг станцæй адавдæуыд дыууæ уæзласæн автомашинæйы, кæцытыл æвæрд уыдысты базон станцитæ, æмæ ма техникон ифтонггæрзтæ. Къæрныхтæ разиан кодтой æдæппæт 426 мин сомы.
9 сентябры Ленингоры районы милицийы æмæ Паддзахадон æдасдзинады комитеты кусджытæ иумæ оперативон информацийы фæдыл басгæрстой Ленингоры поселочы 61-аздзыд цæрæджы хисæрмагонд хæдзар æмæ цæхæрадоны ссардтой 2 гæны къутæры.
10 сентябры милицийы хайадмæ хъаст балæвæрдта 60-аздзыд горæттаг цæрæг, зæгъгæ мын мæ хæдзарæй адавтой сыгъзæринæй конд дзаумæттæ, кæцытæ уыдысты 150 мин сомы аргъ. Ныридæгæн уагъд цæуынц оперативон-сгарæн мадзæлттæ, цæмæй къæрныхтæ конд æрцæуой бæрндзинадмæ.
Comments are closed, but trackbacks and pingbacks are open.