14-æм июнæй 21 июнмæ Хуссар Ирыстоны территорийыл æрцыдис иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой фондз адæймаджы.
Фæндагон змæлды æдасдзинады инспекци къуырийы дæргъы сбæлвырд кодта 213 фæткхалæн цауы. Уыдонæй 7 уыдысты нозтджынæй машинæ скъæрыны цаутæ.
15 июны Ленингоры районы Раздæхæны хъæуы 70-аздзыд цæрæджы йæ хисæрмагонд хæдзары ссардтой мардæй. Ацы æмбæстаг уыд саугуырм, цард иунæгæй æмæ æрæджы æрбацыд Гуырдзыстонæй. Ӕмбæлон службæтæ ауагътой медицинон экспертизæ, цæмæй рабæрæг кæной ацы æмбæстаджы амæлыны аххосæгтæ.
Наркотикты ӕрзылдыл контроль кӕныны управленийы кусджытӕ баурӕдтой горæттаг 38-аздзыд цæрæджы, кæцы æнæзаконæй спайда кодта медицинон препарат «лирикайæ». Фæткхалæджы горæты тæрхондон фæивар кодта 40 мин сомы. Баурæдтой ма бынæттон 46-аздзыд цæрæджы, уый та спайда кодта «марихуана», æмæ «мор-финæй» æмæ уый дæр æввахс рæстæджы æф-хæрд баййафдзæнис.
16 июны Цхинвалы районы Рустауы хъæуы баурæдтой автомашинæ сугтимæ, кæцыйы шофыр разынд бынæттон 59-аздзыд цæрæг. Фæткхалæгмæ нæ разынд суг ракæнынæн бары гæххæттытæ æмæ йæ Цхинвалы районы тæр-хондон фæивар кодта 4 мин сомы.
20 июны Цхинвалы районы Ног хъæуы 41-аздзыд цæрæг милицимæ хъаст балæвæрдта, зæгъгæ мын мæ хисæрмагонд хæдзарæй къæр-ныхтæ адавтой 185 мин сомы æмæ ма сызгъæринæй конд дзаумæттæ. Ныридæгæн уагъд цæуынц оперативон-сгарæн мадзæлттæ, цæмæй сбæлвырд кæной фыдгæнджыты æмæ сæ бæрндзинадмæ æркæной.
Comments are closed, but trackbacks and pingbacks are open.