31 июлæй 7 августмæ Хуссар Ирыстоны территорийыл æрцыдис æртæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Алыгъуызон бархалыны фæдыл горæты милицийы управленийы кусджытæ бæрндзинадмæ æркодтой 12 адæймаджы.
Фæндагон змæлды æдасдзинады инспекци къуырийы дæргъы сбæлвырд кодта 269 фæткхалæн цауы. Уыдонæй 13 уыдысты нозтджынæй машинæ скъæрыны цаутæ.
31 июлы фæндагон змæлды æдасдзинады инспектортæ рейдон мадзæлттæ уадзыны рæстæджы баурæдтой автомашинæ «Honda Elysion». Басгæрсты рæстæджы бæлццоны дзыппы, кæцы разынд нæ горæты 23-аздзыд цæрæг, ссардтой 9 пакетикы дымгæ кæй нæ кæнынц, ахæм тамако «снюс». Фæткхалæджы фæивар кодта горæт Цхинвалы тæрхондон.
1 августы наркотикты æрзылды контроль кæныны кусджытæ оперативон информацийы фæдыл басгæрстой горæт Цхинвалы 33-аздзыд цæрæджы хисæрмагонд хæдзар. Басгæрсты рæстæджы уæлхæдзары пластмассæйæ конд къоппыты сагъдæй ссардтой 24 гæны къутæры. Слестгæнæн органтæ йыл бакодтой уголовон хъуыддаг. Уымæй уæлдай ма фæткхалæг спайда кодта марихуанайæ дæр æмæ йæ горæт Цхинвалы тæрхондон фæивар кодта.
Оперативон информацийы фæдыл ма Цхинвалы районы Сверы хъæуы æнæхицау кæлддзаг хæдзары кæрты ссардтой 5 гæны къутæры, кæцыты ныссагъта æмæ сæм зылдис горæттаг 23-аздзыд цæрæг. Фæткхалæгыл бакодтой уголовон хъуыддаг. Уымæй уæлдай ма спайда кодта марихуанайæ дæр æмæ йæ горæт Цхинвалы тæрхондон фæивар кодта.
2 августы рынчындонмæ уæззау уавæры бахаудта нæ горæты 25-аздзыд цæрæг. Куыд рабæрæг, афтæмæй ацы æмбæстаг æгæр стыр дозæ банызта медицинон препарат «Атаракс».
3 августы Ленингоры районы милицийы хайады кусджытæ оперативон информацийы фæдыл Орчъосаны хъæугæрон ссардтой æмæ скуынæг кодтой 25 гæны къутæры.
Цхинвалы районы милицийы хайады кусджытæ баурæдтой 34-аздзыд Къостайыхъæуы цæрæджы, кæцы спайда кодта марихуанайæ. Уымæй уæлдай ма сæ зæрдæ фехсайдта наркотиктæй спайда кæнынмæ 38-аздзыд горæттаг цæрæгмæ. Фæткхалæг нæ бакуымдта медицинон басгæрстмæ æмæ йæ тæрхондон фæивар кодта.
