11 апрелæй 18 апрелмæ Хуссар Ирыстоны территорийыл æрцыдис иу фыдракæнд æмæ раргом ис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис дыууæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудта иу адæймаг.
Алыгъуызон бархалынæдты фӕдыл бӕрндзинадмӕ конд ӕрцыдысты фондз æмбæстаджы.
Фæндагон змæлды æдасдзинады инспекци къуырийы дæргъы сбæлвырд кодта 326 фæтк-халæн цауы. Уыдонæй 10 уыдысты нозтджынæй машинæ скъæрыны цаутæ.
12 апрелы Знауыры районы Балтайы хъæуы 68-аздзыд цæрæг милицимæ барвæндонæй бахаста цуанон æхсæнгарз. Куыд бамбарын кодта йæ курдиаты, афтæмæй ацы æхсæнгарз уыд йе ‘мкъайыл фидаргонд, кæцы амард, æмæ ныр æхсæнгарзæн хицау нал уыд.
13 апрелы Цхинвалы Джиоты Аланы проспектæй Харебаты Исахъы уынгмæ азилæны Цхинвалы районы Гудзабары хъæуы 31-аздзыд цæрæг фæндаджы иннæ фарсмæ хизгæйæ, бахауд автомашинæйы бын, кæцыйы шофыр та ра-зынд 28-аздзыд бынæттон цæрæг. Аварийы фæстиуæгæн фистæг бæлццон алыгъуызон цæфтимæ бахауд рынчындонмæ. Шофыр разынд нозтджын.
Цхинвалы районы милицийы кусджытæ патруль кæныны рæстæджы баурæдтой зæрдæхсайгæ автомашинæ «ВАЗ-21099», кæцыйы шофыр разынд Цхинвалы районы Дменисы хъæуы 42-аздзыд цæрæг. Медицинон басгæрсты рæстæджы рабæрæг ис, шофыр кæй спайда кодта наркотикон буарад «метадон»-æй æмæ ма кæй уыд нозтджын дæр. Фæткхалæг конд æрцыд рæстæгмæдарæн камерæйы.
Comments are closed, but trackbacks and pingbacks are open.