Цæгат Ирыстонæй рацæугæ Медойты Георги нысан æрцыд Уæрæсейы Федерацийы «Росгварди»-йы Краснодары крайы Сæйраг управленийы хистæрæй. Краснодары крайы губернатор Вениамин Кондратьев ног хистæры базонгæ кодта йæ дæлбар кусджытимæ.
Медойты Георги йæ архайды рæстæджы хорзæхджын æр-цыд ведомствойон хорзæхтæй. Ацы аз июны мæйы УФ-йы Президенты Барамындæй уымæн лæвæрд æрцыд инæлар-майоры цин. Уый райгуырд 1975 азы 25-æм марты горæт Дзæуджыхъæуы. 1997 азы каст фæцис горæт Дзæуджыхъæуы Уæрæсейы Мидхъуыддæгты министрады мидæггагон æфсæдты æфсæддон-командон ахуыргæнæндон. 2004 азы та каст фæцис горæт Мæскуыйы Уæрæсейы Федерацийы Гарзджын тыхты иумиагæфсæддон академи. 2007 азы онг куыста Приволжскы зылды горæт Саровы Уæрæсейы Мидхъуыддæгты министрады мидæг-гагон æфсæдты къухдариуæггæнæджы бы-наты. 2007 азы нысан æрцыд Уæрæсейы Мидхъуыддæгты министрады Мæскуыйы зылды горæт Тулайы мидæггагон æфсæдты 12-æм дивизийы 667-æм специалон моторизацигонд полкы командирæй. 2009 азæй 2013 азмæ къухдариуæгад кодта Мæскуыйы областы Уæрæсейы Мидхъуыддæгты министрады мидæггагон æфсæдты централон регионалон командæкæнынады 95 дивизийы полкъыл. 2013 азæй 2016 азмæ уыд горæт Мæскуыйы Уæрæсейы Мидхъуыддæгты министрады мидæггагон æф-сæдты централон регионалон командæкæнынады штабы æфсæдты æмæ æдасдзинады æфсæддон службæйы хистæр. 2016 азæй 2019 азмæ куыста Мæскуыйы областы фæдыл «Росгварди»-йы сæйраг управленийы штабы хистæры хæдивæгæй.
Comments are closed, but trackbacks and pingbacks are open.