Республикæйы Сæргълæууæг Сергей Меняйлойы фæндонæй Тагъд æххуысы республикон клиникон рынчындоны æрцæудзæн бындурон ивындзинæдтæ. Куыд зонæм, афтæмæй нырмæТагъд æххуысы станцæ уыд ацы рынчындоны бындурыл арæзт, фæлæ йæ ныр уыцы структурæйæ рахицæн кæндзысты æмæ уыдзæн Æнæниздзинад хъахъхъæнынады министрады дæлхайад хицæн юридикон статусимæ. Рынчындоны бындурыл та арæзт æрцæудзæн хибар станцæ, тагъд медицинон æххуысæн цы хъæуы, ахæм техникæимæ. Уыимæ туаггуыры æвæрæнтæ дæр. Фæлæ уымæй амынд рынчындоны дæр Тагъд æххуысы машинæты куыст нæ фæкъуылымпы уыдзæн. Тагъд æххуысы куысты системæ ивд цæуы, йæ архайд ын фæхуыздæр кæныны нысанимæ. Уый нымайгæйæ 32 машинæйы бæсты станцæйы кусын райдыдта 40 тагъд æххуысы машинæйы.
СКЪОЛАДЗАУТÆН – ÆХХУЫСÆН
Ацы карантин æмæ дистанцион уавæры ахуыр сывæллæттæн зындзинæдтæ кæй æвзарын кæнынц, уый нымайгæйæ, скъоладзаутæй æвæрæз бинонтыл нымад чи у, уыдонæн æххуыс кæнынц хæлцадон продукттæй. Акци цæуы æппæт районты. Волонтертæ зилынц æмæ алы скъоладзауæн дæр йæ хæдзармæ бадæттынц, цы йæм æмбæлы, уыцы продукттæ: сæкæр, ссад, æхсыр, æхсынæнты зети, къурупатæ, макаронтæ, адджинæгтæ, дыргътæ…
Ныридæгæн республикæйы байуæрстой 28 мины хæлцадон комплекты. Куыст цæуы дарддæр. Ахуырады министр Æлыбегты Эллæ куыд загъта, афтæмæй уый у цыбыркъух бинонтæн стыр ахадгæ æххуыс.
Ныртæккæ уал дистанцион ахуыр адарддæр кодтой фæндзæм февралмæ.
Нæ уацх.
Comments are closed, but trackbacks and pingbacks are open.