«Мах дуджы» 9-æм номыр

Мыхуыры рацыд литературон-аивадон ӕмӕ ӕхсӕнадон-политикон журнал «Мах дуджы» ацы азы 9-æм номыр.

Журнал байгом сæргондæй «Прозӕ ӕмӕ поэзи», зӕгъгӕ, уым бакӕсӕн ис ӕрыгон поэт Ӕлборты Беллӕйы ӕмдзӕвгӕтӕ ӕмӕ Кцойты Астемыры фыст ӕцӕг хабар «Зӕрва».

80 азы сӕххӕст УФ-йы Фысджыты цӕдисы уӕнг, РЦИ-Аланийы Культурӕйы сгуыхт кусӕг Томайты Мисурханыл. Журналы ацы номыры мыхуыргонд цӕуы йӕ къам ӕмӕ радзырд «Амондджын».

УФ-йы Фысджыты цӕдисы уӕнг Торчынты Хъазыбег у бирӕ прозаикон ӕмӕ поэтикон уацмысты автор. Журналы ацы номыры бакӕсдзыстут æмдзӕвгӕтӕй фыст роман «Зейнап», зæгъгæ.

Ӕрӕджы Цæгат Ирыстонмæ сфӕлдыстадон кусæгон балцы уыд УФ-йы Фысджыты цӕдисы сӕрдар, зындгонд прозаик, публицист Николай Иванов, уазӕгуат «Амыран»-ы фембӕлд республикӕйы Фысджыты цӕдисы уӕнгтимӕ, сфӕлдыстадон интеллигенцийы минӕвӕрттимӕ. Ацы фембӕлды хайад райста журнал «Мах дуджы» сӕйраг редактор Хетӕгкаты Оксанӕ дæр. Николай Ивановимӕ уый ӕрныхас кодта бӕстӕйы аивадон литературон уацмысты ӕмӕ ӕхсӕнады иумӕйаг уавӕры тыххӕй.

Журналы ацы номыры, поэт ӕмӕ фыссӕг Хохойты Энверӕн та мыхуыргонд цӕуы ног ӕмдзӕвгӕты цикл.

Рубрикӕ «Мах дуджы» равдыст»-ы фендзыстут зындгонд композитор Ӕлборты Феликсы райгуырдыл 85 азы кӕй сӕххӕст, уый фӕдыл алы азты ист къамтӕ. Мыхуыр ма цæуынц композиторы тыххӕй мысинӕгтӕ, «Хурӕнгӕс курдиат», зӕгъгӕ, ахӕм сӕргонды бынмӕ.

Журналы ма мыхуыр æрцыдысты фӕллойы ветеран Цӕрукъаты Азӕйы мысинӕгтӕ «Дыууӕ хъысмӕты».

Рубрикӕ  «Ирон зонды авналӕнтӕ»-йы бынмæ бакӕсӕн ис уац «Адӕмы лӕг» ныффыста йæ Егар.

Фӕллойы ветеран Хӕмыцаты Раманы ракуывд ӕмӕ таурӕгъ «Царциаты равзӕрд» бакӕсдзыстут «Адӕмон сфӕлдыстад»-ы рубрикӕйы бынмæ.

Журнал «Мах дуджы» прозӕйы хайады редактор Гусалты Барисы радзырд «Ацы амондджын зӕрдӕхалӕн сӕрд», зæгъгæ, журналкæсæг бакæсдзæн   рубрикæ «Ирон прозӕйы антологи»-йы бын. Журналы ацы номыры мыхуыр æрцыд майы цаутыл афӕлгӕст. Афтæ ма УФ-йы сгуыхт артист, Ирон академион театры зынгӕ актер Бытъӕты Роберты амæлæты фæдыл журналы редакцийы кусджыты тӕфӕрфӕс