Низимæ тох кæнынæй дарддæр ма кусын кæй хъæуы, цард кæй цæуы æмæ фарн йемæ кæй хæссы, ууыл архайынц республикæйы разамынд. Хицауады Сæрдар Тускъаты Таймураз куыд фехъусын кодта, афтæмæй пандемийы аххосæй иунæг национ проект дæр царды æнæ рауадзгæйæ ма хъуамæ баззайа.
Куыд зонæм, афтæмæй 2020 азы планмæ хаст æрцыд дæс национ проекты. Уыдон сты: «Здравохранение», «Демография», «Экология», «Жилье и городская среда», «Экспорт», «Малое и среднее предпринимательство», «Цифровая экономика» æмæ æндæртæ. Ацы проектты фæлгæтты сты: Ногир æмæ Ала-гиры скъолаты реконструкци, культурæйы центр «Фарн» æмæ театр «Саби»-йы цалцæг, Ногхъæуы, Дзуарыхъæуы, Урухы, Æрыдоны Культу-рæйы хæдзæртты арæзтад æмæ бирæ æндæртæ.
Тускъаты Таймураз куыд загъта, афтæмæй хицауиуæггæнæг орган-тæ ацы тыхст заман хæсджын сты, цæмæй чысыл æмæ рæстæмбис бизнес бахъахъхæной æмæ бацархайой сæ рæзтыл.
«Абон нæ сæйрагдæр хæс у, ацы æгъатыр низы ныхмæ тох кæнын, фæлæ уыимæ хъуамæ лыг кæнæм социалон-экономикон рæзты ахсджиаг фарстатæ дæр. Уыдон сты национ проекттæ æмæ федералон программæтæ. Низы аххосæй иунæг куыстуат дæр ма хъуамæ фæцуда. Мах сарæзтам сæрмагонд къорд хицауады уæнгтæй, кæцытæ бæрæг кæнынц хисæрмагонд куыстуæтты уавæр, проекттæ куыд реализацигонд цæуынц, уый», – загъта Тускъайы фырт.
Республикæйы разамынды зæр-диаг æххуысыл ма бафтыд Уæрæ-сейы Президент Владимир Путины указ дæр. Йæ уынаффæмæ гæсгæ, чысыл æмæ рæстæмбис бизнесæн пандемийы рæстæг сæ уавæртæ кæй фæкъуындæг сты, цасдæр кæй нæ куыстой, уымæ гæсгæ апрель, май æмæ июны сæрибар æрцæудзысты арендæйы фиддонтæй. Фæкъаддæр уыдзысты сæ хъалонты фиддонтæ дæр. Уыдонмæ хауынц хисæрмагонд куыстуæттæ: транспорты, культурæйы, медицинон уаг-дæтты, хиирхæфсæн, туризмы æмæ бирæ æндæр къабазты куыст.
Нæ уацх.
Comments are closed, but trackbacks and pingbacks are open.