Алайнаг епархи максималонæй фæкъаддæр кæндзæн Хуыцаумæ скувдтыты нымæц.
Чырыстон бæрæгбонты хæдразмæ Алайнаг Аргъуан фæсидт æмбæстæгтæм, цæмæй бахъахъхъæной пандемийы тыххæй карантины режим.
«Цæмæй коронавирус Corvid-19 Хуссар Ирыстоны територимæ ма æрбаирвæза æмæ ма апарахат уа, уый тыххæй Алайнаг Аргъуан сиды нæ республикæйы æмбæстæгтæм, цæмæй æвæстиатæй æххæст кæной, пандемийы ныхмæ Хицауады бакæнгæ карантины æппæт фæткойтæ», – дзырдæуы сидты.
«Зæрдиагæй курæг стæм, тæссаг зонæйы чи ис, нæ уыцы æмбæстæгтæй: йæхи лæмæгъ чи хаты æмæ коронавирусы артдзæст цы бæстæты ис, уырдыгæй чи æрцыд, нæ уыцы кардзыд æмбæстæгтæм, цæмæй максималонæй сæхиуыл фæхæцой, массон æгъдауæй дины службæ кæм уадзынц, уыцы бынæттæм цæуынæй.
Иннæтæй се ‘ппæтæй дæр курæг стæм, цæмæй æххæст кæной сæрмагонд гигиенæйы фæткойтæ, хъахъхъæной æдас дистанци æмæ сæ алфæмблай адæмимæ контакттæ фæкъаддæр кæной.
Алайнаг епархи уæлæмхас мадзæлттæ исы цæрджыты æдасдзинад æмæ æнæниздзинады тыххæй. Курæг уæ стæм уæ хъус æрдарат ахæм мадзæлттæм: Алайнаг епархи максималонæй фæкъаддæр кæндзæн Хуыцаумæ скуывдтытæ, аргъуанты уагъд цæудзысты æрмæстдæр бæрæгбонон календары æнæмæнгхъæуæг службæтæ.
Æхсæвыгон Куадзæны службæмæ чи не ‘рбацæуа, уыдон аргъуыд цæудзысты 18 апрелы сабат райсом, литургийы фæстæ Мады Майрæмы Кафедралон Аргъуаны кæрты.
Хуыцаумæ скуывды размæ æмæ уый фæстæ Алайнаг епархийы уагъд цæу-дзысты дезинфекцион процедурæтæ.
Уыцы мадзæлтты руаджы Сыгъдæг Куадзæны бæрæгбонон мадзæлтты рæстæджы адæм не ‘мбырд кæндзысты аргъуаны.
Уе ‘ппæтæй дæр курæг стæм, цæмæй кæрæдзийы уавæры бацæуат æмæ ацы мадзæлттæм дарат æмбаргæ ахаст!»
Comments are closed, but trackbacks and pingbacks are open.