Кæцы бæстæйы цас аргъ у бензин?

Æртаджы аргъ аслам кæй у, уымæ нæ кæсгæйæ, Уæрæсе Европæйы ахсы æрмæстдæр 20-æм бынат бензины бæрцмæ гæсгæ, кæцы гæнæн ис самал кæнын астæуккаг куыстмыздæй. Специалисттæ раиртæстой 95-æм бензины æргътæ 33 европæйаг бæстæйы, афтæ ма Казахстаны дæр. Хынцыд цыдысты январы æмбисы онг уавæры фæдыл бæрæггæнæнтæ, æмæ Норвеги, Казахстан æмæ Украинæйы та – декабры хатдзæгтæм гæсгæ.

Иртасæнтæм гæсгæ, иууыл асламдæр бензин ис Казахстаны – 95 бензины литры аргъ у 30,9 сомы. Дыккаг бынатыл ацыд Уæрæсе, цыран литр бензины аргъ у 45 сомы. Æртыккаг бынат бацахста Белоруси, уым та иу литр бенизны аргъ у 46,9 сомы, йæ фæстæ цæуы Украинæ – 72,1 сомы – иу литрæн.

Уыимæ Европæйы иууыл зынаргъдæр бензин ис Нидерландты – 117,7 сомы – иу литрæн. Йæ фæстæ цæуынц Норвеги, Дани, Итали æмæ Греци, цыран иу литр бензины аргъ у 112 сомæй фылдæр. Иууыл асламдæр дизелон æртаг ис Казахстаны (46,5 сомы – иу литрæн). Уæрæсе æмæ Белорусийы та – 47,2 сомы. Иууыл зынаргъдæр дизелон æртаг ис Норвегийы – 114,5 сомы – иу литрæн.