18-æм январæй паддзахадон унитарон куыстуат «Югосетнефтепродукт»-ы æртаджы АИ-92 маркæйы бензины аргъ республикæйы цæрджытæн фæкъаддæр дыууæ сомы, – уый тыххæй фехъусын кодта Хицауады Сæрдары хæдивæг – Экономикон рæзты министр Тадтаты Дзамболат.
Уый размæ Президент Бибылты Анатолийы бахæсмæ гæсгæ, Экономикон рæзты министрад бакуыста иууыл хъæуæгдæр æртаг-сæрдæн æрмæджы хуызы аргъ фæкъаддæр кæныны механизм, кæцы цыбыр рæстæгмæ фæзынаргъддæр 50-51 сомы онг иу литрæн æртаджы æддагон базарадон ивындзинæдтæм гæсгæ.
20-æм январы «92» бензин цæрджытæн уæй кодтой 48 соммæ иу литрæн. Дизелон æртаджы аргъ нæ фивта, ома йæ аргъ баззад иу литрæн 44 сомæй.
Уæ зæрдыл уын лæууын кæнæм, 2016 азы 19-æм майы райсгæ Хицауады Уынаффæмæ гæсгæ Экономикон рæзты министрадæн йæ бон у æртаг-сæрдæн æрмæджытыл æргътæ æвæрын, кæцытæ реализаци кæнынц паддзахадон куыстуæттæ. Ахæм республикæйы у паддзахадон унитарон куыстуат «Югосетнефтепродукт»-ы æртаг кæнæн станц, кæцыйы æргъты политикæйыл ориентаци кæнынц сæрмагонд амалиуæггæнджытæ дæр.
Экономикон рæзты министрад дарддæр дæр фæнд кæны бензины аргъ инфляцийы фæлгæтты цæрджытæн фæкъаддæргонд аргъы динамикæ бахъахъхъæныны æппæт мадзæлттæ исын.

Ацы æрмæджытæ дæр бакæс:

Кæцы бæстæйы цас аргъ у бензин? Æртаг-сæрдæн æрмæджыты æргътæ хъуамæ фæкъаддæр уой Default ThumbnailÆртаджы æргъты рæзт æндавынц транспорты куыстыл æмæ… бинонты бюджетыл Default ThumbnailÆртаг-сæрдæн æрмæджыты аргъ бирæ къаддæр уыдзæн Цæгат Кавказимæ абаргæйæ РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.