Цæгат Ирыстон-Аланийы мыхуыры рацыд Нарты кадджыты энциклопедийы фыццаг том. Æмбырдгондыл куыстой фольклористтæ, æвзагзонджытæ, историктæ æмæ археологтæ. Рауагъды проекты фыццаг том мыхуыры рацыд «Энциклопедия осетинской Нартиады»-йы номимæ. Проект бакусыныл архайынц Абайты Васойы номыл Цæгат Ирыстоны гуманитарон æмæ социалон иртасынæдты институтимæ. Проекты автор æмæ сæйраг редактор у историон зонæдты доктор, профессор, Цæгат Ирыстоны гуманитарон æмæ социалон иртасынæдты институты этнологийы хайады сæргълæууæг, Уæрæсейы зонæдты сгуыхт архайæг, Республикæ Хуссар Ирыстоны фыццаг президент Цыбырты Людвиг. Рауагъд у ацы институты уникалон æртæтомон рауагъдон проект, кæцыйы у Нарты кадджыты фольклорон-этнологон æрмæджыты – ирон адæмы хæзнадоны æрбаиу æмæ систематизаци скæнынмæ фыццаг бафæлвæрд.
Цæгат Ирыстоны гуманитарон æмæ социалон иртасынæдты институты ахуыргæндтæй дарддæр ма проектмæ æрбахуыдтой бæстæйы æмæ æввахс фæсарæнты зонадон организациты 50 специалистæй фылдæр: фольклористтæ, литературæзонджытæ, философтæ, археологтæ, историктæ, этнографтæ. Энциклопедийыл куыстой æхсæз азы дæргъы.
Энциклопедийы уацтæ æвдисынц Нарты кадджыты тыххæй дыууæсæдæ азы дæргъы ирзонджыты æрæмбырдгонд бæрæггæнæнтæ: Нартиадæйы сюжеттæ, циклтæ æмæ хъайтартæ; эпосимæ баст публикацитæ æмæ иртасæнтæ; йæ æрæмбырдгæнджыты тыххæй информаци, эпосы историон æмæ мифологион бындурты анализ; Кавказ æмæ Евразийы адæмты эпосимæ ирон эпосы генетикон бастдзинæдты тыххæй уацтæ.
Comments are closed, but trackbacks and pingbacks are open.