РХИ-йы Хицауады Сæрдар Пухаты Эрик ауагъта 2020 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийыл контролы фæдыл штабы æмбырд.
Хицауады сæргълæууæг банысан кодта, зæгъгæ, Инвестпрограммæйы афоныл æмæ хæрзгъæд реализаци у Хицауады иууыл нысаниуæгджындæр хæслæвæрдтæй сæ иу.
«Инвестпрограммæйы руаджы скъуыддзаг цæуынц республикæйы цардæн ахсджиаг фарстатæ, уый фæстиуæгæн мах æппæт дæр сараздзыстæм, цæмæй æххæст æрцæуа афоныл æмæ хæрзгъæдæй», – банысан кодта Пухаты Эрик.
Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард радзырдта, объектты куысты темптæ цадæггай сæ гаччы кæй бадынц, бакæнгæ куыстыты гуырахсты тыххæй документаци активонæй арæзт кæй цæуы, уый тыххæй.
Гуфта-Къуайсайы фæндаджы арæзтады тыххæй та загъта, зæгъгæ, ныридæгæн фæндагæй асфальтгонд æрцыд 3800 метры, аразджытæ ныфс æвæрынц, августы кæронмæ фæндагæй асфальт кæй æрцæудзæн 6 километры бæрц.
Æмбырды рæстæджы уынаффæ цыд, иуæй-иу организацитæ «Арæзтадон æрмæджыты завод» æмæ «Энергоресурс – Хуссар Ирыстон»-æй хæс кæй дарынц, ууыл дæр.
Хицауады Сæрдар æрсидт, бахардзгонд электроэнерги æмæ арæзтадон æрмæджыты тыххæй хæс чи дары, уыцы организацитæм, цæмæй цыбыр рæстæгмæ бафидой сæ хæс.
Бæрæг куыд у, афтæмæй 2020-2022 азты 4,5 миллиард сомимæ Инвестпрограммæмæ хаст æрцыдысты 52 мадзалы, кæцытæ здæхт сты РХИ-йы социалон, инженерон æмæ транспортон инфраструктурæты рæзтмæ.
Инвестпрограммæмæ гæсгæ 2020 азы реализацигонд хъуамæ æрцæуа 21 объекты æмæ дыууæ мадзалы.
Comments are closed, but trackbacks and pingbacks are open.