Президент Бибылты Анатоли бабæрæг кодта фæсивæды этнографион лагерь, кæцы ис Дзауы районы хæххон хъæу Начърепайы.
Лагеры организатортæ сты Хуссар Ирыстоны Фæсивæдон политикæ, спорт æмæ туризмы фæдыл комитет æмæ арæзт цæуы рæзгæ фæлтæры монон-хæрзæгъдаудзинадыл хъомыл кæныны паддзахадон программæ реализаци кæныны фæлгæтты. Хайад дзы исынц республикæйы скъолатæй 74 ахуырдзауы. Фæсивæдæн арæзт æрцыд æмбарынгæнæн-хиирхæфсæн программæ. Лагеры улæфæн программæ уыдзæн 17 августы онг.
Паддзахады сæргълæууæг базонгæ ис цæрыны уавæртæ æмæ лагеры ахуырдзауты улæфæн программæимæ. Бибылты Анатоли этнолагеры хайадисджыты баййæфта сывæллæттæн нывкæнынады дæсныйад амоныны рæстæджы. Æндæр къорд та хъазыдысты интеллектуалон хъæзтытæй. Уæлдай акцент здæхт цæуы национ традицитæм. Сæйраджыдæр, чызджыты ахуыр кодтой ирон хæбизджынтæ кæныныл. Паддзахады сæргълæууæг хайад райста волейболы фæдыл спортивон ерысты.
Comments are closed, but trackbacks and pingbacks are open.