Фембæлды нысан – 2019 азæн Инвестицион программæйы фæдыл фарстатыл æруынаффæ кæнын

РХИ-йы Президент Бибылты Анатоли йæхимæ райста Цæгат Кавказы хъуыддæгты фæдыл Уæрæсейы Федерацийы министры хæдивæг Игорь Кошины. Уый Цхинвалмæ æрцыд кусæгон визитимæ.

Фембæлды хайад райстой РХИ-йы Хицауады Сæрдар Пухаты Эрик, Президенты Администрацийы къухдариуæггæнæг Козаты Игорь, Арæнгæрон æмгуыстады фæдыл УФ-йы Президенты управленийы хистæры хæдивæг Денис Травин, Республикæ Хуссар Ирыстоны Уæрæсейы Федерацийы Уæлвæткон æмæ æххæстбарджын минæвар Марат Кулахметов.

Паддзахады сæргълæууæг банысан кодта, зæгъгæ, стыр куыст бачындæуыд Республикæ Хуссар Ирыстон æмæ Уæрæсейы Федерацийы ‘хсæн социалон-экономикон æмгуыстадæн ахъазгæнæг Æхсæнхицауадон къамисы рабадтмæ бацæттæ кæныны тыххæй. «2019 азæн Инвестицион программæ среализаци кæныны бындур у серьезон æмæ реализацийы æмвæзад дæр уыдзæн максималон. Æппæт объекттæ дæр рацыдысты экспертизæ. Уыдонæн сæ фылдæры ныридæгæн куыстытæ райдыдтой. 2020-2022 азтæн Инвестицион программæйы тыххæй та зæгъдзынæн афтæ, æмæ уый практикон æгъдауæй ныридæгæн арæзт у, хъæуы ма йæм æркæсын: фæконкретондæр кæнын æмæ йæ Æхсæнхицауадон къамисмæрахæссын», – банысан кодта Бибылты Анатоли.

Йæ рады, Цæгат Кавказы хъуыддæгты фæдыл УФ-йы министры хæдивæг Игорь Кошин банысан кодта, зæгъгæ, Инвестицион программæйы бирæ фарстыты къухты бафтыд «финишмæ рахизын». «Тынг æхсызгон мын у, фарстатæ скъуыддзаг кæй æрцыдысты, уый. Бацæттæгонд æрцыдысты æмсæрдæртты уынаффæтæ уыцы объектты фæдыл, кæцытæ рацыдысты экспертизæйæ, æмсæрдæртты уынаффæтыл къухтæ æрфыстæуыд, уымæ гæсгæ, абон махæн ницы ныхдуртæ ис нæ архайдæн», – банысан кодта уый.

Игорь Кошин куыд банысан кодта, уымæ гæсгæ 2020-2022 азтæн Инвестицион программæйы фæдыл объектты сæйраг здæхтытæ дæр цæттæ сты. «Æхсæнхицауадон къамисы рабадты фæстæ иу бон дæр æнхъæлмæ кæсын нæ хъæуы, фæлæ æрфидаргонд традицимæ гæсгæхъæуы кусын, аразын хуыздæр фæстиуæг райсыны тыххæй», – загъта Игорь Кошин.

Æхсæнхицауадон къамисы уæрæсейаг хайы рабадт уагъд æрцæудзæн Мæскуыйы, æмæ Æхсæнхицауадон къамисы рабадт йæхæдæг та уыдзæн Цхинвалы 19-æм апрелы.

Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фарстытыл уый фæстæ уынаффæ кодтой рауæрæхдæргонд æмбырды республикæйы министрадтæ æмæ ведомствоты къухдариуæггæнджыты хайадистæй.