РХИ-йы Президент Бибылты Анатоли æмбырд ауагъта Республикæ Хуссар Ирыстон æмæ Уæрæсейы Федерацийы ‘хсæн социалон-экономикон æмгуыстады фарстыты фæдыл. Уæрæсейаг фарсырдыгæй æмбырды куысты хайад райста Цæгат Кавказы хъуыддæгты фæдыл министры хæдивæг Игорь Кошин, арæнгæрон æмгуыстады фæдыл УФ-йы Президенты Управленийы хистæры хæдивæг Денис Травин, РХИ-йы Уæрæсейы Уæлвæткон æмæ æххæстбарджын минæвар Марат Кулахметов.

Хуссар Ирыстоны фарсырдæгй та – Хицауады Сæрдар Пухаты Эрик, Президенты Администрацийы къухдариуæггæнæг Козаты Игорь, республикæйы министрадтæ æмæ ведомствоты минæвæрттæ.

Президент банысан кодта, зæгъгæ, 2019 азы Инвестицион программæйы фæдыл хъæуы стыр куыст бакæнын. «Уыимæ ма хъæуы 2020-2022 азтæн Инвестицион программæйыл æруынаффæ кæнын. Æхсызгон нын у 2018 азы Инвестицион программæйы реализацийы фæстиуæг», – загъта Бибылты Анатоли. Уый ма бузныджы ныхæстæ загъта Уæрæсейы Федерацийæн Хуссар Ирыстоны фарстытæм сæ хъусдарды тыххæй.

«Фæнды мæ бузныджы ныхæстæ зæгъын Уæрæсейы Президенты Администрацийæн, афтæ ма Цæгат Кавказы хъуыддæгты фæдыл министрæн æнгом æмæ эффективон куысты тыххæй. Ныфс мæ ис, ацы куыст мах дарддæр дæр кæй рæзын æмæ тыхджындæр кæндзыстæм, азæй азмæ фæстиуджытæ хуыздæрæй хуыздæр кæй кæндзысты, уымæй», – загъта паддзахады сæргълæууæг.

Йæ рады, Игорь Кошин дæр банысан кодта 2018 азæн Инвестицион программæйы æнтыстджын реализацийы тыххæй. «2018 азы Инвестицион программæ æххæст æрцыд 100 процентæй. Ныр нæ разы лæууы куыст ноджы хуыздæр сæххæст кæныны хæс. Хуссар Ирыстоны адæм хъуамæ уыной, сæ царды гъæд хуыздæрæрдæм кæй ивы, уый», – загъта Игорь Кошин.

Цæгат Кавказы хъуыддæгты фæдыл министры хæдивæг банысан кодта, зæгъгæ, боны фæткы лæууы 2019 азæн Инвестицион программæ райдайыны фарст. «Ацы аз объектты фылдæр хай ныридæгæн практикон æгъдауæй рацыдысты экспертизæ. Уымæ гæсгæ ис оптимистон прогноз 2019 азы Инвестицион программæ среализаци кæныны тыххæй», – фехъусын кодта уый.

Уымæй дарддæр ма, Игорь Кошин банысан кодта, зæгъгæ, 2020-2022 азтæн Инвестицион программæйæн фæрстæ хъуамæ саразой проект. «Æввахс рæстæджы нæ разы лæууы стыр хæс  2020-2022 азтæн Инвестицион программæйы проект бацæттæ кæнын, афтæ ма уый фæстæ Æхсæнхицауадон къамисы рабадт ауадзын, цыран æркæсдзысты æмæ сфидар кæндзысты программæйы фæдыл фæндæттæ», – загъта уый.

Уый фæстæ æмбырды хайадисджытæ рахызтысты боны фæткы фарстатæм уæлдай лæмбынæгдæрæй æркæсынмæ.

Республикæ Хуссар Ирыстоны

Президенты пресс-службæ

Ацы æрмæджытæ дæр бакæс:

Фембæлды нысан – 2019 азæн Инвестицион программæйы фæдыл фарстатыл æруынаффæ кæнын Боны фæткы – Инвестпрограммæ реализаци кæныны, æхсæнхицауадон къамисы рабадтмæ бацæттæ кæныны фарстатæ Бабæрæг кодтой инвестпрограммæйы фæлгæтты арæзтцæуæг объектты Стратегион иртасынæдты уæрæсейаг институты Тыбылты Леониды доклад «Кавказы Уæрæсейы геополитикон позицитæ сфидардæр кæныны Хуссар Ирыстоны нысаниуæг» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.