Фæуынхъус куыстытæ кæронмæ бакæныны фæдыл

Республикæ Хуссар Ирыстоны Хицауады Сæрдар Пухаты Эрик ауагъта æмбырд, цыран уынаффæ цыд 2019 азы Инвестицион программæйы кæцыдæр объектты арæзтад кæронмæ бакæныны фарстытыл.

Æмбырды хайад райстой Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард, йæ хæдивджытæ Гаглойты Сергей æмæ Гуыцмæзты Илья, Экологон, технологон æмæ арæзтадон цæстдарды комитеты Сæрдар Къуылыхты Таймураз, Фæндагон арæзтад æмæ автомобилон фæндæгты эксплуатацийы фæдыл комитеты сæрдар Гуыззыттаты Эдуард æмæ Паддзахадон унитарон куыстуат «Дорэкспострой»-ы генералон директор Мæхъиты Семен.

Зæгъойты Эдуард информаци сарæзта горæт æмæ  районты арæзтадон куыстыты тыххæй.

Сæйраджыдæр уынаффæ цыд Остъаты æфсымæрты уынгыл инженерон хызæгты  æмæ хæрзарæзтады куыстытæ фæуын, горæт Къуайсайы уынгты хæрзарæзтады æххæст гарантион хæстæ сæххæст кæнын æмæ Ленингоры районы хызæгты модернизацийы фарстытыл.

Уый фæстæ æмбырды хайадисджытæ æруынаффæ кодтой объектты арæзт куыстыты гуырахст æмæ хыгъдон документаци саразыны темптыл.

Хицауады Сæрдар æрдомдта, цæмæй арæзтады рæстæджы æххæст кæной æппæт техникон нормæтæ, æрсидт пордядон организациты къухдари-уæггæнджытæм, цæмæй информаци æрбавдисой проблемон фарстыты тыххæй æмæ æххæст кæной гарантион хæстæ.

«Гарантион хæстæ сты, бадзырдмæ гæсгæ нысангонд цы куыстытæ   æрцыдысты, уыдон рæстæгыл сæххæст кæнын, уыдоны закъазгæнæджы рекомендацитæ æмæ домæнтæм гæсгæ карзæй æххæст кæнын. Уымæ гæсгæ сымах хъуамæ æппæт куыстытæ дæр æххæст кæнат гъæдджынæй æмæ æмгъуыдмæ гæсгæ», – банысан кодта Пухаты Эрик.