Республикæ Хуссар Ирыстоны Хицауады Сæрдары хæдивæг – Экономикон рæзты министр Бекъойты Геннади базонгæ ис Нагутнийы хъæуы хосгæнæн-æнæнизгæнæн центр «Ныфс»-мæ электрохæххытæ ауадзыны фæдыл куыстытимæ, кæцытæ æххæст кæны Паддзахадон унитарон куыстуат «Энергоресурс».
Вице-премьеры ныхæстæм гæсгæ ма куыстыты архайынц хъæууон хæдзарады управлени, Знауыры районы цæрæнуатон-коммуналон хæдзарад, Паддзахадон унитарон куыстуæттæ «Арæзтадон æрмæджыты завод» æмæ «Югосетпотребнадзор».
«Ивгъуыд азы Президент Бибылты Анатоли республикæйы хицауадæн бахæс кодта, цæмæй аскъуыддзаг кæной Нагутнийы хъæуы рухсы проблемæ, æмæ уый ныр скъуыддзаг цæуы. Донæй хосгæнæн у æнæмæнгхъæуæг санаторион-курортон бынат æрмæст Хуссар Ирыстоны цæрджытæн нæ, фæлæ уæрæсейаг æмбæстæгтæн дæр. Æрвыл аз дæр ам се ‘нæниздзинад фæхуыздæр кæнынц нæ республикæйы 200 æмбæстагæй фылдæр, бирæ адæм æрцæуы Цæгат Ирыстонæй дæр. Хосгæнæны сæйраг проблемæ у, рухс дзы кæй нæй, уый, кæцы скъуыддзаг не ‘рцыд бирæ азты дæргъы. Электрохæххытæ ауадзыны фадат ратдзæн æмбæстæгтæн лæггад кæныны гъæд фæбæрзонддæр кæнынæн. Уымæй уæлдай ма махæн фадат уыдзæн Нагутнийы хъæумæ бастдзинад бауадзынæн дæр. Санаторион-курортон фадыг æмæ туризм сты ахæм здæхтытæ, кæцыты мах приоритетонты нымæцы хъуамæ рæзын кæнæм», – банысан кодта Бекъойты Геннади.
2011 азæй фæстæмæ хосгæнæн «Ныфс»-ы къухдариуæггæнæг хатыд республикæйы хицауадмæ, цæмæй уагдонæн баххуыс кæной æмæ аскъуыддзаг кæной проблемон фарстытæ, фæлæ хъуыддаг ныры онг уыд æнæркаст.
Comments are closed, but trackbacks and pingbacks are open.