Хуссар Ирыстоны æхсæнады æрæджы цы æвзонг лæппуйы – Дзабиты Иналы мæлæт базмæлын кодта, уый фæдыл уагъд æрцыд экспертизæ Уæрæсейы Федерацийы хуыздæр уагдæттæй сæ иуы. Уæды Мидхъуыддæгты министр Наниты Игоры амарынмæ кæй бафæлвæрдæуыд, ахæм аххос бавдисгæйæ, барадхъахъхъæнæг органтæ æрцахстой цалдæр лæппуйы, уыдоны нымæцы – Дзабиты Инал дæр. Цалдæр боны фæстæ, 28 августы Иналы баластой рынчындонмæ мардæй, йæ буарыл уыд цъæррæмыхстытæ æмæ нады фæдтæ, афтæмæй. Уыцы хъуыддаджы барадхъахъхъæнæг зæрдæхсайгæ органты кусджытæ ныртæккæ сты ахст.
Ацы уголовон хъуыддаджы фæдыл æрмæджытæ экспертизæмæ æр-выст æрцыдысты ацы аз октябры мæйы райдианы æфхæрдбаййафæг фарсы разыйæ æмæ къухфыстæй.
Уæрæсейы Хъахъхъæнынады ми-нистрады тæрхондонон-медицинон экспертизæ æмæ криминалистон экспертизæты 111-æм сæйраг паддзахадон центры цы тæрхондонон-меди-цинон æмæ тæрхондонон-химикон иртасæнтæ арæзт æрцыд, уый фæс-тиуджытæм гæсгæ Дзабиты Иналы мæлæты аххосаг уыд, наркотикон буарадтæй пайда кæныны фадат кæй нал уыд, уый фæстиуæгæн æнæнхъæлæджы йæ зæрдæйы куысты æрлæуд. Уымæн æмæ, зæгъгæ, йæ туджы æмæ хуылфы дзаумæтты рабæрæг наркотикон буарад метадон.
Нæ бæстæйы Генералон прокуратурæйы фæдагурæг Бестауты Алан нын куыд радзырдта, уымæ гæсгæ, кæд экспертизæйы хатдзæгтæм гæс-гæ Дзабиты Иналы мæлæт наркотикон буарады аххосаг у, уæддæр уый нæ нысан кæны, æмæ йæ ныхмæ физикон тыхæй чи спайда кодта, уыдоны ныхмæ уголовон бæрндзинад фæлæмæгъдæр уыдзæн. Дард-дæры экспертизæйы фæстиуджы-тæм гæсгæ ныртæккæ ахст цы æм-бæстæгтæ сты, уыдон лæмбынæг фарст цæудзысты ног раргомгонд æууæлтæм гæсгæ. Уыдоны ныхмæ азымтæ æрхæссыны фæстæ уголовон хъуыддаг цæттæ æрцæудзæн тæрхондонмæ бавдисынмæ.
Ацы лæппуйы амæлæты аххосæг-тæ сбæлвырд кæныны нысанæн тæрхондонон-медицинон экспертизæ уагъд æрцыд райдианы Хуссар Ирыстоны территорийыл. Фæлæ Ге-нералон прокуратурæ, йæ бинонтæ æмæ æхсæнады минæвæрттæ æн-хъæлмæ кастысты уæрæсейаг тæр-хондонон-медицинон экспертон уагдоны хатдзæгтæм.
Уæрæсейаг экспертты хатдзæгтæм гæсгæ ма Иналы мард буарыл уыд 18 хъæны бæрц, фæлæ уыцы цæфтæ нæ уыдысты мæлæтдзаг. Уыдон уы-дысты йæ буарыл алы бынæтты, цæфтæ, тугæрхæмттæ, тугахстытæ – фæлмæн бынæтты. Æмæ бæлвырд æрцыд, йе ‘нæниздзинадæн уыдон кæй ницы зиан æрхастой.
Хуссарирыстойнаг тæрхондонон- медицинон экспертты информацийы бындурыл цъæррæмыхстытæ, туг-дæппæлттæ æмæ цæфтæн йæ буарыл уæрæсейаг экспертты къамис ахæм хатдзæг сарæзта, зæгъгæ, уы-дон тугдæппæлттæ не сты, фæлæ сты мæрдон фæдтæ (трупные пятна). Уæрæсейаг экспертты амындмæ гæсгæ ацы фæдтæ æмæ тугдæп-пæлттæ сахуыр кæныны нысанæн хъуыд буары фæлмæн хæйттæй си-сын æмæ уыдон хуызæгтæй иртасæн куыстытæ бакæнын.
Прокуратурæйы кусæг куыд æмбарын кæны, уымæ гæсгæ ацы фæдтæ цы бынæтты сты, цас интенсивон сты къæхтæ æмæ къухтыл, уыдæттæ хынцгæйæ, экспертты къамис афтæ нымайы, Дзабиты Инал йæ амæ-лæты рæстæджы лæугæ уавæры кæй уыд. Экспертты къамисы хат-дзæгтæм гæсгæ, хъыгдардбаййа-фæг буары уавæр лæмбынæг сахуыр кодтой эксперттæ, æмæ йын æм-бæлон аргъ æрцыд, уыцы нымæцы йæ фæстиуджыты уæззаудзинады æмвæзадæн дæр.
Фæдагурæг нын куыд бамбарын кодта, уымæ гæсгæ эксперттæ сбæ-рæг кодтой буары хъæнтæ йе ‘нæ-низдзинадыл куыд бандæвтой, уыцы аххосæгтæ. Уыдон радих кодтой дыууæ къордыл. Фыццаг къорды сты, мæлæты цауæй æртæ бонæй фондз бонмæ. Уыдонæн эксперттæ саргъ кодтой – æнæниздзинадæн ницахæм зиан кæй не ‘рхастой, афтæ. Дыккаг къорд та у, йæ амæлæтæй иу боны онг чи уыдысты. Уыцы цæфтæн эксперттæ саргъ кодтой, ома, йе ‘нæ-низдзинадæн æрхастой рог зиан. Уымæ гæсгæ Дзабиты лæппуйы буарыл цы фæдтæ уыд, уыдон, иумæ-йагæй сисгæйæ, æмæ хицæнтæй дæр нæ уыдысты йæ амæлæты аххосаг.
«Тæрхондонон-медицинон экспертизæ снысан кæныны уагæвæрдимæ æфхæрдбаййафæг фарс адвокатимæ иумæ базонгæ экспертизæ снысан кæныны фæстæ æмбæлон уа-вæрты суагъæтæ саразгæйæ. Уыдон сæхи къухæй ныффыстой куырдиат, сразы сты ацы уæрæсейаг экспертон уагдонимæ æмæ сæ разы цы фарстатæ æвæрд æрцыд, уыдонимæ.
Сæйраг тæрхондонон-медицинон экспертизæйы æмрæнхъ ма эксперттæ сарæзтой уæлæмхас ирта-сæн куыстытæ – тæрхондонон-гисто-логон, тæрхондонон-биологон æмæ тæрхондонон-химион. Уыдоны фæс-тиуджытæм гæсгæ экспертты къами-сæн бындур фæзынд комплексон хатдзæгтæ саразынæн», – банысан кодта Алан.
Уæрæсейаг паддзахадон центры экспертты къамисы бакæнгæ фæс-тиуджытæ Хуссар Ирыстоны Генералон прокуратурæмæ радтой 13 ноябры. Фæдагурæджы ныхæстæм гæс-гæ йæ фæстиуджытимæ базонгæ æфхæрдбаййафæг фарс. Экспертты хатдзæгты халдих дæр лæвæрд æрцыд уыдонмæ. Бамбарын сын кодтой сæ бартæ – кæд æмæ ацы экспертизæимæ разы не сты, уæд сæ хъаст ахæссой, науæд иртасæн куыстытæ ногæй саразын кæной æндæр экспертон бюройы.
Нӕ уацх.
Comments are closed, but trackbacks and pingbacks are open.